Türkiyədə 41 şəhərdə silah qaçaqmalçılarına qarşı əməliyyat keçirilib

Türkiyənin daxili işlər naziri Ali Yerlikaya 41 əyalətdə eyni vaxtda keçirilən silah və sursat qaçaqmalçılığına qarşı əməliyyatlar barədə məlumat verib. Nazir sosial media hesabında paylaşdığı açıqlamada 135 nəfərin saxlanıldığını bildirib. Ali Yerlikayanın sözlərinə görə, Adana, Ərzincan və Van mərkəz olmaqla həyata keçirilən əməliyyatlar zamanı 95 ədəd lisenziyasız tapança, 3 min 116 ədəd pnevmatik tapançadan çevrilmiş odlu silah, 31 ədəd qeydiyyatsız ov tüfəngi, 2 ədəd əl bombası və 19 min 467 ədəd silah hissəsi ələ keçirilib.

5 Noyabr 2025 09:25

BAKI, AzerVoice, Nailə Babazadə

Türkiyənin daxili işlər naziri Ali Yerlikaya 41 şəhərdə eyni vaxtda keçirilən silah və sursat qaçaqmalçılığına qarşı əməliyyatlar barədə məlumat verib.

AzerVoice xəbər verir ki, Nazir sosial media hesabında paylaşdığı açıqlamada 135 nəfərin saxlanıldığını bildirib.

Ali Yerlikayanın sözlərinə görə, Adana, Ərzincan və Van mərkəz olmaqla həyata keçirilən əməliyyatlar zamanı 95 ədəd lisenziyasız tapança, 3 min 116 ədəd pnevmatik tapançadan çevrilmiş odlu silah, 31 ədəd qeydiyyatsız ov tüfəngi, 2 ədəd əl bombası və 19 min 467 ədəd silah hissəsi ələ keçirilib.

Əməliyyatlar Baş Prokurorluqların,Türkiyə Daxili İşlər Nazirliyinin Qaçaqmalçılıq və Mütəşəkkil Cinayətkarlıqla Mübarizə Baş İdarəsinin və vilayət polis idarələrinin koordinasiyası ilə həyata keçirilib.

Ali Yerlikaya vurğulayıb ki, silah və sursat qaçaqmalçılığı ilə mübarizə yalnız qanunsuz ticarətin qarşısını almağa deyil, bu silahlarla törədilə biləcək bütün cinayətlərin qarşısını almağa yönəlib.