BAKI, AzerVoice, Nailə Babazadə
20 il əvvəl olduğu kimi, bu gün də çevrəmizdəki böhran və zülmlərə qarşı məsuliyyət götürür, asan yolu deyil, çətin olanı seçərək barış, ədalət və sabitlik üçün əlimizi daşın altına qoyuruq
AzerVoice xəbər verir ki, Türkiyə Prezidenti Rəcəb Tayyip Ərdoğan, Vatikan Dövlət Başçısı Papa 14. Leo ilə görüşdən sonra çıxış edərək, Türkiyənin bölgədə və dünyada barış, ədalət və insan hüquqları sahəsində aktiv rol oynadığını vurğulayıb.
Prezident həmçinin Türkiyənin müxtəlif din və mədəniyyətlərin birgə yaşadığı nadir bir ölkə olduğunu qeyd edib. 2002-ci ildən bəri ölkədə 100-dən çox kilsə, monastır və ibadətgahın bərpasının tamamlandığını, ilin sonuna qədər daha 5 əsərin açılışının planlaşdırıldığını bildirib.
Ərdoğan həmçinin İsrail-Fələstin məsələsinə toxunaraq, Qəzza bölgəsindəki sivil zərərçəkənlərin təhlükəsizliyinin təmin olunmasının və insani yardımların fasiləsiz çatdırılmasının vacibliyini vurğulayıb. Prezident “İki dövlətli həll yolunun mümkün qədər tez həyata keçirilməsi” çağırışını edib.
Görüşdə həmçinin Suriya və Ukraynadakı müharibələrdən qaçan qaçqınlara Türkiyənin göstərdiyi dəstək, Karadeniz taxıl təşəbbüsü və əsir-cənazə mübadiləsi kimi diplomatik addımlar müzakirə olunub.
Ərdoğan çıxışını insanların etnik, dini və mədəni fərqliliklərini zənginlik kimi qəbul etmək, ədaləti, barışı və merhaməti üstün tutmaq mesajı ilə yekunlaşdırıb və Papa 14. Leo-nu Türkiyəyə xoş gəlmisiniz deyərək təşəkkür edib.
