BAKI, AzerVoice, Nailə Babazadə
Türkiyənin daxili işlər naziri Ali Yerlikaya açıqlayıb ki, ölkənin təhlükəsizlik orqanları ilə aparılan müzakirələr və yaxınlaşdırma tədbirləri nəticəsində ümumilikdə 103 terrorçu könüllü şəkildə təslim olub. Onların 10 nəfəri Diyarbəkir analarının övladlarıdır.
AzerVoice xəbər verir ki, nazir bu açıqlamanı Türkiyənin daxili təhlükəsizlik qüvvələrinin 2025-ci il fəaliyyətinə dair qiymətləndirmə toplantısında verib.
Nazir vurğulayıb ki, Türkiyənin təhlükəsizlik qüvvələri müasir texnologiyalar, peşəkar heyət və yüksək hazırlıqla ölkənin hər bölgəsində fəaliyyətini davam etdirir.
Yerlikaya əlavə edib ki, “Terrorsuz Türkiyə” hədəfi çərçivəsində həm terrorla mübarizə, həm də təşkilatlanmış cinayətlər, narkotik və kiber cinayətlərə qarşı genişmiqyaslı əməliyyatlar aparılır.
