BAKI, VOA, Nailə Babazadə
Türkiyənin Nəqliyyat və İnfrastruktur naziri Abdulkadir Uraloğlu Avropa Hava Naviqasiyası Təhlükəsizliyi Təşkilatının (EUROCONTROL) son məlumatlarına əsasən, ölkənin hava naviqasiyası xidmətlərində bütün zamanların ən yüksək göstəricisinə uşatdığını bildirib.
VOA xəbər verir ki, rəsmi statistikaya görə, 2026-cı ilin yanvar ayında Türkiyə 1 milyon 671 bin 405 xidmət vahidi ilə EUROCONTROL sistemi daxilində indiyədək qeydə alınan ən yüksək səviyyəyə çatıb. Bu göstərici ilə Türkiyə, təşkilatın üzvü olan 42 ölkə arasında liderliyini perçinləyib.
Nazir Uraloğlu Türkiyənin son üç aydır Avropanın ən çox xidmət göstərən ölkəsi olduğunu vurğulayaraq bildirib.
"Ölkəmiz xidmət vahidi sayına görə Fransa başda olmaqla bir çox inkişaf etmiş Avropa dövlətini geridə qoyub. Hava gəmisinin çəkisi və qət etdiyi məsafəyə əsasən hesablanan bu rəqəm, bizim hava sahəsi potensialımızın və infrastruktur gücümüzün ən mühüm göstəricisidir." - deyə Uraloğlu qeyd edib.
EUROCONTROL-un Statistika və Proqnozlaşdırma Bölməsinin hesabatına istinadən qeyd olunub ki, Türkiyənin hava hərəkətindəki artım tempi və texnoloji imkanları bu liderliyin uzun illər davam edəcəyindən xəbər verir. Nazir əlavə edib ki, tətbiq edilən yenilikçi idarəetmə strategiyaları Türkiyəni sadəcə regional tranzit mərkəzi deyil, həm də qlobal aviasiya şəbəkəsinin əsas düyün nöqtələrindən birinə çevirib.
