BAKI,VOA, Nailə Babazadə

Türkiyənin Xarici İşlər naziri Hakan Fidan bu gün suriyalı, qətərli və özbəkistanlı həmkarları ilə apardığı telefon danışıqlarında regionda davam edən müharibənin gedişatını və hücumların dayandırılması istiqamətində həyata keçirilən diplomatik səyləri dəyərləndirib.

VOA xəbər verir ki, diplomatik mənbələrdən əldə edilən məlumata görə, nazir Hakan Fidan Suriyanın Xarici İşlər naziri Əsəd Həsən Şeybani, Qətərin Baş naziri və Xarici İşlər naziri Şeyx Məhəmməd bin Əbdürrəhman Al Sani və Özbəkistanın Xarici İşlər naziri Baxtiyor Saidov ilə ayrı-ayrılıqda görüşlər keçirib.

İntensiv telefon diplomatiyası çərçivəsində baş tutan bu görüşlərdə bölgədəki gərginliyin azaldılması və hərbi əməliyyatların dayandırılması üçün birgə addımların atılması məsələləri ətraflı müzakirə olunub. Tərəflər regional sabitliyin bərpası üçün diplomatik kanalların aktiv saxlanılmasının vacibliyini vurğulayıblar.