BAKI,VOA, Nailə Babazadə
Türkiyə Prezidenti Rəcəb Tayyib Ərdoğan NATO-nun Baş katibi Mark Rutte ilə telefon əlaqəsi saxlayıb.
VOA xəbər verir ki, Türkiyə Respublikası Prezident Administrasiyasının Kommunikasiya İdarəsindən verilən məlumata görə, tərəflər regional və qlobal məsələləri, eləcə də Alyansı maraqlandıran strateji mövzuları ətraflı mühakimə ediblər.
Prezident Ərdoğan danışıq zamanı İrana qarşı hərbi müdaxilə ilə başlayan prosesin artıq "geostrateji çıxılmaz vəziyyətə" sürükləndiyini vurğulayıb. O, beynəlxalq birliyi bu müharibəni dayandırmaq üçün səyləri artırmağa çağırıb. Ərdoğan həmçinin NATO-nun Türkiyənin hava hücumundan müdafiəsinə verdiyi dəstəyin Alyansın çəkindiricilik gücünü bir daha nümayiş etdirdiyini qeyd edib.
Görüşdə Rusiya-Ukrayna müharibəsinin sülhlə nəticələnməsi üçün Türkiyənin vasitəçilik səylərinin davam etdiyi bildirilərək, NATO-nun yaradılmasının 66-cı ildönümü münasibətilə təbriklər çatdırılıb.
Prezident Ərdoğan 7-8 iyul 2026-cı il tarixlərində keçiriləcək NATO Ankara Zirvəsinə toxunaraq, bu toplantıda Alyansı gələcək sınaqlara qarşı daha dayanıqlı və effektiv edəcək mühüm qərarların alınacağına ümid etdiyini vurğulayıb.
