BAKI,VOA, Fərid Mikayılov

Türkiyənin Xarici İşlər Naziri Hakan Fidan sabah Bolqarıstana rəsmi səfər edəcək.

VOA xəbər verir ki, Ankaradan Sofiyaya reallaşacaq bu yüksək səviyyəli səfər çərçivəsində iki qonşu və müttəfiq ölkə arasında enerji, nəqliyyat, logistika və müdafiə sənayesi başda olmaqla strateji sahələrdə əməkdaşlığın dərinləşdirilməsi üçün müştərək addımlar müzakirə olunacaq.

Hakan Fidan Bolqarıstanın Türkiyə üçün Avropaya quru yolu daşımacılığında mühüm rol oynadığını diqqətə çatdıraraq, sərhəd-keçid məntəqələrindən yük və sərnişin axınının rəvan təşkili ilə bağlı Ankaranın gözləntilərini qarşı tərəfə ötürəcək. Eyni zamanda Türkiyənin Avropa İttifaqına (Aİ) üzvlük hədəfi və bu xətt üzrə Sofiyanın dəstəyinin önəmi vurğulanacaq.