BAKI,AzerVoice Analitik Təhlil Mərkəzi
ABŞ prezidenti Donald Tramp şənbə günü nəvəsi Kayi ilə birlikdə qolf oynamağa çıxaraq ötən həftə yayılan qəribə konspirasiyanı təkzib etdi. «Teleqraf» yazır ki, , Ağ Ev Trampın ölümünü gizlədir.
Trampın ictimaiyyət qarşısına çıxması ilə söz-söhbətlər zəifləsə də, «X» platformasında #WhereisDonaldTrump həştəqi ən çox müzakirə olunan mövzulardan birinə çevrilmişdi. Tramp öz sosial media platforması olan «Truth Social»da mütəmadi paylaşım etsə də, bu, şayiələrin qarşısını ala bilməmişdi.
Bəs, niyə insanlar Trampın öldüyünü düşündü?
İctimaiyyət qarşısında görünməməsi
Şayiələr onun Əmək bayramı (1 sentyabr) ilə bağlı istirahət günlərində ictimaiyyət qarşısına çıxmaması ilə başladı. Əksər prezidentlər həmin günlərdə iştirak edirdilər: məsələn, Co Bayden ötən il Kamala Harris kampaniyasında çıxış etmiş, əvvəlki il isə Filadelfiyada tədbirdə söz demişdi. Trampın sonuncu görünməsi isə həmin həftənin çərşənbə günü nazirlər kabinetinin iclasında olmuşdu. Görünməməsi sosial şəbəkələrdə söz-söhbətə səbəb oldu.
Əllərində göyərmələr
Keçən həftənin bazar ertəsi Tramp Cənubi Koreya prezidenti Li Cai Myonqu qarşılarkən sağ əlində göyərmələrlə göründü. Bir neçə gün əvvəl isə FIFA rəhbəri Canni İnfantino ilə görüşündə əlində tonal krem izləri müşahidə edilmişdi. Fotolar prezidentin səhhəti ilə bağlı şübhələrə yol açdı: bəziləri bunun xərçəng əlaməti və ya damara stend qoyulmasının nəticəsi olduğunu düşündü. Əslində, Trampın hakimiyyəti dövründə də tez-tez əlində belə izlər görünmüşdü. Fevral ayında onun mətbuat katibi Karolin Levit bunun sadəcə davamlı əl sıxışmalarının nəticəsi olduğunu açıqlasa da, internetdəki müzakirələr səngimədi.
Biləklərdə şişkinlik
Göyərmələrlə yanaşı, Trampın biləklərdə şişkinlik də diqqət çəkdi. «X» platformasında bir istifadəçi onun və Baydenin fotolarını paylaşaraq “Baydenin normal biləklərinə baxın, ümumilikdə fiziki cəhətdən Trampdan daha yaxşı vəziyyətdədir” yazmışdı. İyul ayında Ağ Ev Trampda xroniki venoz çatışmazlığı olduğunu açıqlamışdı. Bu xəstəlik qan dövranının zəifləməsi ilə təzyiq və şişkinlik yaradır, amma həyati təhlükə hesab edilmir. Lakin bəzi konspirasiya tərəfdarlarını bu açıqlama da qane etmədi.
Vitse-prezident C.D. Vance-in müsahibəsi
Keçən həftə vitse-prezident C.D. Vance «USA Today» kanalına müsahibəsində “dəhşətli faciələr” baş versə, prezidentliyi öz üzərinə götürməkdən danışdı. Bu açıqlamalar Trampın bir müddət ictimai həyatdan kənarda qalması ilə üst-üstə düşdü və bəziləri bunu daxili məlumatların sızması kimi yozdu. Vance hərçənd əlavə etdi: “Allah eləməsin, faciə olsa belə, mən son 200 gündə çox yaxşı təcrübə qazandım. Prezidentin sağlam olduğuna və vəzifəsini tamamlayacağına inamım tamdır”.
