BAKI, AzerVoice, Nailə Babazadə
Türkiyə Milli Futbol Komandası 2026 FIFA Dünya Kubokunun Avropa seçmə mərhələsinin E qrupundakı dördüncü oyununda sabah Kocaelidə Gürcüstanla qarşılaşacaq.
AzerVoice xəbər verir ki, Kocaeli Stadionunda keçiriləcək qarşılaşma saat 22:45-də başlayacaq.
Oyun Rumıniya Futbol Federasiyasından olan hakim Radu Petresku tərəfindən idarə olunacaq. Ona həmvətənləri Radu Ghinguleac və Ovidiu Artene kömək edəcəklər. Matçın dördüncü hakimi Andrei Chivulete olacaq.
Türkiyə E qrupunda dördüncü oyunlar öncəsi 6 xalla 2-ci, Gürcüstan isə 3 xalla 3-cü pillədə qərarlaşıb. Qrupda üç oyunun hamısını qazanan İspaniya 9 xalla birincidir, xalı olmayan Bolqarıstan isə son sıradadır.
Türkiyə Milli komanda ilk oyununda səfərdə Gürcüstanı 3–2 hesabı ilə məğlub edib, Konyada İspaniyaya 6–0 hesabı ilə uduzub və üçüncü oyunda səfərdə Bolqarıstanı 6–1 hesabı ilə məğlub edib. Türkiyəyə evdə uduzan Gürcüstan Bolqarıstanı 3–0 hesabı ilə məğlub edib. Gürcülər son oyunlarında səfərdə İspaniyaya 2–0 hesabı ilə məğlub olublar.
