BAKI, AzerVoice, Nailə Babazadə
2025-ci ilin yanvar- oktyabr ayında Türkiyədə Səudiyyə kapitalı ilə 53 şirkət qeydiyyata alınıb ki, bu da 2024-cü ilin eyni dövrü ilə müqayisədə 3 şirkət azdır.
Bu barədə AzerVoice -ə Türkiyə Ticarət və Sənaye Palatasından (TOBB) məlumat verilib.
“Hesabat dövründə Türkiyədə qeydiyyata alınan Səudiyyə şirkətlərinin məcmu kapitalı 99 milyon 640 min türk lirəsi olduğu halda, 2024-cü ilin eyni dövründə bu rəqəm 81 milyon 150 min türk lirəsi təşkil edib”, – deyə TOBB-dan bildirilib.
Qurumdan o da qeyd olunub ki, 2025-ci ilin yanvar - oktyabr ayında Səudiyyə şirkətlərinin əksəriyyəti İstanbulda (46) qeydiyyata alınıb.
“İstanbulda qeydiyyatdan keçən Səudiyyə şirkətlərinin ümumi kapitalı 76 milyon 590 min türk lirəsi təşkil edib”, – deyə TOBB-dan qeyd edilib.
Məlumata əsasən, 2025-cü ilin yanvar - oktyabr ayında Türkiyədə Səudiyyə kapitalı ilə 28 ticarət şirkəti qeydiyyata alınıb. Qalan şirkətlər iqtisadiyyatın digər sahələrini əhatə edir.
