BAKI,VOA
ABŞ Prezidenti Donald Tramp İranla bağlı son vəziyyət, tətbiq edilən sanksiyalar və regional təhlükəsizlik məsələlərinə dair kəskin bəyanatlarla çıxış edib. VOA xəbər verir ki, prezident bildirib ki, İrana qarşı yeni blokada bazar ertəsi günündən etibarən qüvvəyə minəcək və digər dövlətlər də İranın neft satışının qarşısını almaq üçün fəal iş aparırlar.
İranın nüvə ambisiyaları və danışıqlar prosesi
Prezident Tramp vurğulayıb ki, İran hazırda çox pis və ümidsiz vəziyyətdədir. O, qətiyyətlə bəyan edib ki, rəsmi Tehranın heç vaxt nüvə silahına sahib olmasına imkan verilməyəcək və bunun üçün heç bir yol yoxdur.
"İranın danışıqlar masasına qayıdıb-qayıtmaması mənim üçün maraqlı deyil".- deyə Tramp həmçinin əlavə edib.
Hörmüz boğazı və hərbi imkanların məhv edilməsi
İranın Hörmüz boğazını naviqasiya üçün açıq saxlayacağı ilə bağlı vədlərini yerinə yetirmədiyini və yalan danışdığını qeyd edən ABŞ lideri, boğaz ətrafında müsbət irəliləyişlərin olduğunu bildirib. Onun sözlərinə görə, mövcud vəziyyət belə davam etməyəcək və yaxın gələcəkdə korreksiya olunacaq.
Tramp İranın hərbi gücü ilə bağlı iddialı açıqlamalar verərək deyib:
“İran ordusu artıq fəaliyyətini bitirib, ölkənin raket potensialı demək olar ki, tamamilə tükənib.ABŞ İranın PUA və raket istehsalı sahəsindəki istehsal imkanlarını uğurla məhv edib”
Maraqlı bir məqam kimi Tramp qeyd edib ki, İran vədlərini pozduğu üçün ABŞ sadəcə bir körpünü hədəf alıb, digər körpülərə toxunmayaraq "çox nəzakətli" davranıb.
Donald Tramp NATO müttəfiqlərindən ciddi narazılığını ifadə edərək, Alyansın ABŞ-ın yanında durmadığını bildirib. "NATO-dan çox məyusam. Biz bu alyansa trilyonlarla dollar ödəyirik və bu məsələ çox ciddi şəkildə araşdırılacaq", - deyə o vurğulayıb.
