BAKI, AzerVoice
Türkiyə Əsri vizyonu strateji şəkildə reallaşdırılacaq
AzerVoice xəbər verir ki, Türkiyə vitse-prezidenti Cevdet Yılmaz Prezident Rəcəb Tayyib Ərdoğanın Prezident Siyasət Şuralarına etdiyi yeni təyinatları dəyərləndirib və “Türkiyə Əsri” vizyonunun addım-addım həyata keçiriləcəyini vurğulayıb.
Yılmaz sosial media paylaşımında yeni təyinatların faydalı olacağına ümid etdiyini bildirərək qeyd edib ki, Siyasət Şuraları Prezident Hökumət Sisteminin əsas dayaqlarından biridir və bu şuralarda formalaşan təkliflər dövlət idarəçiliyinə strateji və keyfiyyətli perspektivlər qazandıracaq.
Qeyd edək ki, vitse-prezident Siyasət Şuralarının təcrübə, məsləhətləşmə və sağlam düşüncə əsasında fəaliyyət göstərəcəyini, həmçinin Türkiyə Əsri vizyonunun dövlət qurumları və millətin birgə dəstəyi ilə sistemli şəkildə reallaşdırılacağını bildirib.
