Foto: Vikipediya
BAKI, AzerVoice
Vaşinqton artıq müstəqil Fələstin dövlətinin yaradılmasını dəstəkləmir.
AzerVoice xəbər verir ki, bu barədə ABŞ-ın İsraildəki səfiri Mayk Hakabi Bloomberg agentliyinə verdiyi müsahibədə bildirib.
O əlavə edib ki, əgər Fələstin dövləti yaradılarsa, ərazisinin İordan çayının qərb sahilində yox, regionun başqa bir yerində yerləşməsi mümkündür.
Hakabi, bununla yanaşı müstəqil Fələstin dövlətinin yaradılması üçün İsrailin əvəzinə müsəlman bir dövlətdən torpaq ayırmağı təklif edib.
O, həmçinin, Qəzza zolağında baş verən müharibəyə görə yalnız HƏMAS-ı məsul hesab edib və bildirib ki, münaqişə yalnız o halda başa çata bilər ki, HƏMAS Qəzzada qalan əsirləri azad etsin.
Səfir ABŞ-İran danışıqlarına da diqqət çəkib və bildirib ki, ABŞ prezidenti Donald Tramp İranın uranı zənginləşdirməsinə icazə verməyəcək. O əlavə edib ki, əgər danışıqlar nəticəsiz qalsa, heç nə istisna deyil və bu da hərbi əməliyyat ehtimalının mövcudluğunu nəzərdə tutur.
