BAKI, AzerVoice

ABŞ Ali Məhkəməsi ABŞ prezidenti Donald Trampın vəzifəyə başladıqdan sonra imzaladığı doğum yerinə əsaslanan vətəndaşlıq hüququ ilə bağlı sərəncamı müdafiə etdi.

AzerVoice-un məlumatına görə, sərəncam ABŞ ərazisində doğulan qeyri-qanuni immiqrantların uşaqlarına avtomatik vətəndaşlıq verilməsini qadağan edir.

Məhkəmə altı səs lehinə, üç səs əleyhinə olmaqla qərara alıb ki, aşağı instansiya məhkəmələrinin Trampın sərəncamını bloklamaq səlahiyyətləri məhdudlaşdırılsın. Tramp qərarı alqışlayaraq "Truth Social" platformasında bunu “ABŞ Ali Məhkəməsində böyük qələbə” kimi qiymətləndirib.

Qeyd edək ki, bu sərəncam Trampın yanvarın 20-də keçirilən inauqurasiyasından sonra imzalanmış və ertəsi gün 22 ştatın rəhbərliyi bu sərəncamın ləğvi üçün məhkəməyə müraciət etmişdi. Nəticədə bir neçə ştat məhkəməsi sənədin icrasını müvəqqəti dayandırmışdı. Mart ayının ortalarında Tramp administrasiyası məsələni Ali Məhkəməyə çıxararaq aşağı instansiyaların qərarlarının ləğvini tələb etmişdi.