BAKI, AzerVoice
Fransa prezidenti Emmanuel Makron, İran Prezidenti Məsud Pezeşkianla İran həbsxanasında cəza çəkən iki Fransız vətəndaşına qarşı İsrailin xeyrinə casusluq ittihamı irəli sürülməsi məsələsini müzakirə etməyi planlaşdırır.
AzerVoice xəbər verir ki, bu barədə Makronun verdiyi açıqlamada deyilir.
"Prezident Məsud Pezeşkiana zəng edəcəyəm və bu işi yenidən qiymətləndirməsini xahiş edəcəyəm" - deyə, Makron bildirib.
O, İran Prezidenti ilə iki dəfə telefonla danışdığını və bu danışıqlarda İranın nüvə proqramı və digər məsələlər, o cümlədən İranda həbsdə olan iki Fransa vətəndaşının taleyi barədə müzakirələr apardığını bildirib. Makron, İran məhkəmə orqanlarının bu şəxslərə qarşı İsrailin xeyrinə casusluq ittihamı irəli sürməsini "Fransa üçün provokasiya" və "aqressiyanın tərəfini tutmağın qəbul edilməz seçimi" adlandırıb.
"Bu, Fransa üçün qəbuledilməzdir və cavab gecikməyəcək" - deyə, Makron vurğulayıb.
"Əgər yaxın həftələrdə bu ittihamlar qüvvədə qalarsa, biz qarşılıqlı tədbirlər görəcəyik" - deyə, o əlavə edib.
O, Parisin hansı addımları atacağı barədə ətraflı açıqlama verməyib.
Qeyd edək ki, 2022-ci ilin may ayında İranda Fransa vətəndaşları Sesil Koler və Jak Pari saxlanılıb. İranın Kəşfiyyat Nazirliyi onları müəllimlərin maaş artımı tələbi ilə keçirilən etirazlar zamanı pozğunluq yaratmağa cəhd etməkdə ittiham edib. Fransa Xarici İşlər Nazirliyi bildirir ki, İran hakimiyyəti onlara konsulluq nümayəndələrinin ziyarətlərini məhdudlaşdırır və dərhal azadlığa buraxılmalarını tələb edir.
Bundan əvvəl, Fransa Xarici İşlər naziri Jan-Noel Barro da İranı nüvə proqramı üzrə danışıqları bərpa etmədiyi təqdirdə "Avropa Üçlüyü"nün (Böyük Britaniya, Fransa, Almaniya) sanksiyaları bərpa edəcəyi ilə hədələyib. Nazir əlavə edib ki, Avropa ABŞ ilə İran arasında danışıqları dəstəkləyir, lakin təhlükəsizlik sahəsində öz maraqlarının qorunmasını tələb edir. Onun sözlərinə görə, indiki danışıqlar "yeni əsaslar üzərində qurulub" və 2015-ci il tarixli Birgə Həlli Əhatə Edən Fəaliyyət Planı (JCPoA) ilə məhdudlaşmır.
