BAKI, AzerVoice
İsrail Qəzzada humanitar vəziyyəti yaxşılaşdırmaq üçün əhəmiyyətli addımlar atmağa razıdır.
AzerVoice xəbər verir ki, Avropa
İttifaqının Xarici Fəaliyyət Xidməti (EEAS) yaydığı yazılı
açıqlamada İsrailin Qəzza zolağında humanitar vəziyyətin
yaxşılaşdırılması üçün əhəmiyyətli addımlar atmağı öhdəsinə
götürdüyünü bildirib.
Təl-Əvivlə Aİ arasında aparılan dialoqdan sonra əldə olunan
razılaşmaya əsasən, gündəlik ərzaq və yardım yük maşınlarının
artırılması, İordaniya və Misir vasitəsilə yardım marşrutlarının
açılması, çörək və mətbəxlər yolu ilə qida təminatının təşkili,
yanacaq tədarükünün bərpası, yardım işçiləri və obyektlərinin
qorunması kimi tədbirlər görüləcək.
Aİ bu prosesdə BMT agentlikləri və yerli vətəndaş cəmiyyəti
təşkilatları ilə koordinasiyaya hazır olduğunu bəyan edib.
Qeyd edək ki, Avropa İttifaqı Qəzzada demoqrafik və sərhəd dəyişikliyi cəhdlərinə qarşı çıxır və bölgənin gələcək Fələstin dövlətinin tərkib hissəsi kimi qalmasını dəstəkləyir.
