BAKI, AzerVoice, Zeynəb Raminqızı
Avropa İttifaqının (Aİ) Xarici Əlaqələr və Təhlükəsizlik Siyasəti üzrə Ali Nümayəndəsi Kaja Kallas ABŞ-ı Fələstin rəsmilərinə viza qadağasına yenidən baxmağa çağırıb.
AzerVoice xəbər verir ki, Kallas, Aİ dövr sədri olaraq, Danimarkanın paytaxtı Kopenhagda keçirilən "Gymnich" formatlı qeyri-rəsmi Xarici İşlər Nazirləri Toplantısının ardından mətbuata açıqlama verib.
Aİ ölkələrinin bu mövzuda razılığa gəldiyini vurğulayan Kallas, "Biz bu qərarın beynəlxalq hüquq və BMT-nin strukturu nəzərə alınmaqla, BMT ilə ev sahibi dövlət arasında mövcud razılaşmalar fonunda yenidən nəzərdən keçirilməsini xahiş edirik" deyə qeyd edib.
Xatırladaq ki, ABŞ Dövlət Departamenti sentyabrda Nyu-Yorkda keçiriləcək Birləşmiş Millətlər Təşkilatının (BMT) 80-ci Baş Assambleyasına qatılmaq üçün ABŞ-a səfər edən Fələstin rəsmilərinin vizalarının ləğv edildiyini açıqlayıb.
Açıqlamada, "ABŞ qanunlarına uyğun olaraq Xarici İşlər Naziri Marko Rubionun, yaxınlaşan Birləşmiş Millətlər Təşkilatının Baş Assambleyası öncəsi Fələstin Azadlıq Təşkilatı və Fələstin İdarəetmə Təşkilatının üzvlərinin vizalarını rədd etdiyi və ya ləğv etdiyi"- deyə qeyd olunub.
