BAKI,VOA, Fərid Mikayılov

ABŞ Prezidenti Donald Trampın Ankaraya səfər proqramı açıqlanıb.

VOA xəbər verir ki, Tramp sabah günortadan sonra Ankaraya gələcək və onu Türkiyə Prezidenti Rəcəb Tayyib Ərdoğan rəsmi qarşılanma mərasimində qəbul edəcək.

Rəsmi qarşılama və fəxri qarovulun keçidindən sonra Donald Tramp və Rəcəb Tayyib Ərdoğan arasında ikitərəfli görüş keçiriləcək.

Çərşənbə günü ABŞ Prezidenti Ankarada keçiriləcək 36-cı NATO Dövlət və Hökumət Başçıları Zirvəsinin rəsmi qarşılama mərasiminə və ailə fotosunun çəkilişinə qatılacaq. Daha sonra o, NATO liderlərinin işçi iclasında iştirak edəcək.

Proqrama əsasən, Donald Tramp çərşənbə günü günortadan sonra Ukrayna Prezidenti Volodimir Zelenski və Suriya Prezidenti Əhməd Şara ilə də ikitərəfli görüşlər keçirəcək.

ABŞ Prezidenti səfərini başa çatdırmazdan əvvəl mətbuat konfransı keçirəcək və daha sonra Ankaradan ayrılacaq.