BAKI,VOA,Yusif Şərifzadə
ABŞ-nin İrana qarşı iki həftə davam edən hava hücumlarını qəfil dayandırmasından sonra Vaşinqtonun strategiyası və tərəflər arasında mümkün danışıqlarla bağlı yeni suallar gündəmə gəlib. Bu arada, Səudiyyə Ərəbistanı, İordaniya və İraq bazar ertəsi pilotsuz uçuş aparatlarının hücumlarına məruz qaldıqlarını açıqlayıblar.
VOA xəbər verir ki, ABŞ Prezidenti Donald Tramp iki həftəlik bombardman kampaniyasını ötən həftəsonu dayandırıb. Məlumata görə, qərar yüksək rütbəli hərbi komandirlərin əməliyyatın məqsədlərinə çatdığını və mövcud strategiyanın imkanlarının tükəndiyini bildirməsindən sonra qəbul edilib.
Reuters agentliyinə danışan adı açıqlanmayan ABŞ rəsmisi bildirib ki, hərbi rəhbərlik prezidentə hədəf alınacaq obyektlərin tükənmək üzrə olduğunu çatdırıb. Mənbənin sözlərinə görə, ABŞ Silahlı Qüvvələrinin Birləşmiş Qərargah Rəisləri Komitəsinin sədri general Den Keyn də hava hücumundan müdafiə sursatlarının ehtiyatının azalması ilə bağlı narahatlığını ifadə edib.
Donald Tramp, ABŞ dövlət katibi Marko Rubio və digər amerikalı rəsmilər İranın "razılaşma əldə etmək üçün israr etdiyini" bəyan etsələr də, İran Xarici İşlər Nazirliyinin sözçüsü bazar ertəsi Tehranın sülh danışıqlarının bərpası üçün heç bir müraciət etmədiyini bildirib.
Məqalədə yer alan bəyanatlar tərəflərin rəsmi mövqelərini əks etdirir və qarşılıqlı iddialar müstəqil mənbələr tərəfindən ayrıca təsdiqlənməyib.
