BAKI, AzerVoice, Nailə Babazadə
Birləşmiş Millətlər Təşkilatı İranı Yəməndə vəziyyətin yaxşılaşdırılması və sülh prosesinin irəlilədilməsi istiqamətində BMT-nin rolunu dəstəkləməyə çağırıb.
AzerVoice xəbər verir ki, BMT-nin Yəməndə xüsusi elçisi Hans Grundberg bazar ertəsi günü Müsqatda İran Xarici İşlər Naziri Abbas Əraqçi ilə görüş keçirib. Grundberg Yəmənlə bağlı vəziyyətin gedişi barədə hesabat təqdim edərək İranın BMT-nin təşəbbüslərinə və sülh prosesinə dəstəyinin vacibliyini vurğulayıb.
Əraqçi isə bölgədə İsrailin təcavüz və hücumlarını qınayıb, bu hərəkətlərin Yəmənə tətbiq olunan blokada və sanksiyalarla birgə baş verdiyini bildirib.
İranlı nazir həmçinin İsrail rejiminin hüquq pozuntularının bölgədəki təhlükəsizlik və sabitliyə ciddi təsir göstərə biləcəyi barədə xəbərdarlıq edib.
