BAKI, AzerVoice, Nailə Babazadə
İndoneziyanın Cənubi Sulavesi əyalətində 7 heyət üzvü və 3 sərnişin olmaqla cəmi 10 nəfəri daşıyan təyyarə ilə əlaqə kəsilib.
AzerVoice xəbər verir ki, "Indonesia Air Transport" şirkəti tərəfindən idarə olunan "ATR 42-500" tipli təyyarənin siqnalı Cənubi Sulavesinin Maros bölgəsində radarlardan itib.
Hava nəqliyyatı rəsmiləri təyyarə ilə əlaqənin kəsilməsinə əlverişsiz hava şəraitinin səbəb ola biləcəyini ehtimal edirlər. Mülki Aviasiya Baş Direktorluğu tərəfindən verilən rəsmi açıqlamada təyyarənin tapılması üçün genişmiqyaslı axtarış-xilas etmə əməliyyatlarına başlanıldığı bildirilib. Hazırda müvafiq qurumlar və yerli hakimiyyət orqanları ilə sıx əlaqə saxlanılaraq hadisənin təfərrüatları araşdırılır.
