Səudiyyə Ərəbistanının kosmik iqtisadiyyatının 2024-cü ildəki 8.7 milyard dollarlıq həcmdən 2035-ci ilə qədər təxminən dörd dəfə artaraq 31.6 milyard dollara yüksələcəyi proqnozlaşdırılır. Krallıq kosmik və rəqəmsal texnologiyaları iqtisadi artımın və davamlı inkişafın yeni hərəkətverici qüvvəsinə çevirməyi hədəfləyir.
Səudiyyəli gənc qadınlar yay tətilini karyeraya çevirir: Diplomdan əvvəl başlayan təcrübə
Səudiyyə özəl sektoru milliləşdirir - layihə rəhbərliyinə 70 faiz yerli kadr tələbi qoyulur
Bin Salmanın təşəbbüsü qlobal status aldı – qadınların rolu artırılır
Əsas iqlim dəyişənlərinin 50 faizindən çoxu birbaşa kosmosdan ölçülə bilir. Peyk texnologiyaları iqlimin monitorinqi, su ehtiyatlarının idarə olunması, kənd təsərrüfatı, səhralaşma ilə mübarizə və təbii fəlakətlərə çevik reaksiya sahələrində həlledici rol oynayır.
Krallığın kosmik iqtisadiyyatının 2035-ci ilə qədər illik mürəkkəb artım tempinin 12 faiz təşkil edəcəyi gözlənilir. Bu genişlənmə rəqəmsal infrastrukturun və kosmik xidmətlərin inkişaf etdirilməsi, eyni zamanda ekoloji çağırışların aradan qaldırılmasında texnologiyadan istifadə üzrə daha genişmiqyaslı strategiyanın tərkib hissəsidir.
"Səudiyyə Ərəbistanı davamlı inkişafın güclü təminatçısı kimi süni intellekt və rəqəmsal innovasiyaların bütün potensialını üzə çıxarmaq əzmindədir. Biz süni intellektə iqtisadiyyatları gücləndirən, insanlara imkanlar yaradan, ətraf mühiti qoruyan və dövrümüzün əsas çağırışlarını həll etməyə kömək edən bir qüvvə kimi baxırıq".-deyə, Rabitə və İnformasiya Texnologiyaları naziri Abdullah əl-Səvaha bildirib.
Krallıqda internetin yayılma səviyyəsi 2025-ci ildə 99.6 faizə çatıb və bu göstərici Səudiyyə Ərəbistanını dünyanın ən yüksək internet əlaqəsinə malik ölkələri sırasına daxil edib. Fiber-optik şəbəkə ilə əhatə olunan evlərin sayı isə 3.9 milyonu ötüb.
Beynəlxalq İKT İnkişaf İndeksində Səudiyyə Ərəbistanı 99.2 xal toplayaraq qlobal miqyasda ən yüksək nəticəni göstərib.
Rəqəmsal sahəyə inteqrasiya
Qadınların rəqəmsal sektordakı iştirak payı 2018-ci ildəki 7 faizdən 35 faizə yüksəlib. Bu göstərici Yaxın Şərq və Şimali Afrika regionunda ən yüksək rəqəmdir və həm "G20", həm də Avropa İttifaqı üzrə orta göstəriciləri üstələyir.Krallıqdakı biznes strukturlarında süni intellektin tətbiqi səviyyəsi 2024-cü ildəki 20 faizdən 2025-ci ildə 33.1 faizə çatıb.
İqtisadi artıma töhfə
Rəqəmsal iqtisadiyyat 2024-cü ildə ümumi daxili məhsulun 15 faizini təşkil edib ki, bu da 459 milyard Səudiyyə riyalına (122.4 milyard dollar) bərabərdir. Səudiyyə Ərəbistanı həmçinin regionun ən böyük İKT bazarına sahibdir.
2012-ci ildən bəri ölkə İnformasiya Cəmiyyəti üzrə Ümumdünya Sammitinin 16 mükafatını və 47 mükəmməllik sertifikatını qazanıb ki, bu da region ölkələri arasında ən yüksək göstəricidir.
Ekoloji dayanıqlılıq uğurları
"Səudiyyə Yaşıl Təşəbbüsü" çərçivəsində 2021-ci ildən bəri 85-dən çox təşəbbüs irəli sürülüb, onlardan 10-u tam başa çatdırılıb.
Görülən işlər nəticəsində 1 milyon hektar torpaq sahəsi bərpa edilib, milli elektrik şəbəkəsinə 3.6 qiqavatdan çox bərpa olunan enerji gücü inteqrasiya olunub, 161 milyondan çox ağac əkilib, quru ərazilərinin 18.1 faizi və dəniz ərazilərinin 16.1 faizi mühafizə altına alınıb, həmçinin qoruqlara və milli parklara 10 000 vəhşi heyvan buraxılıb.
Təşəbbüsün əsas məqsədi 2060-cı ilə qədər sıfır xalis emissiyaya nail olmaq, 2030-cu ilə qədər emissiyaları illik 278 milyon ton azaltmaq və Krallığın quru və dəniz sahələrinin 30 faizini mühafizə altına almaqdır.
