BAKI, AzerVoice, Orxan Qədirzadə
Avropa Komissiyasının rəsmi sənədində “Şimali Kipr Türk Respublikası” ifadəsinin yer alması Yunanıstanda narazılıq yaradıb.
AzerVoice xəbər verir ki, yunan mediası hadisəni “Avropa İttifaqı Kipr siyasətində böyük səhv etdi” başlıqları ilə yayımlayıb və Brüsseli şimallı kiprliləri tanımaqda ittiham edib.
Etirazlardan sonra Yunanıstan hökuməti Avropa Komissiyasına rəsmi nota göndərib və sənəddə yalnız “Kipr Respublikası” ifadəsinin işlədilməli olduğunu bildirib.
Avropa Komissiyası isə məsələni “texniki səhv” adlandıraraq, ifadənin sənəddən çıxarıldığını açıqlayıb.
