Nihad Muxtarlı Nazirliyin Aparat rəhbərinin müavini təyin edildi

Əmək və Əhalinin Sosial Müdafiəsi Nazirliyinin Aparatında kadr dəyişikliyi olub.Əmrə əsasən, Nihad Hafiz oğlu Muxtarlı Nazirliyin Aparat rəhbərinin müavini vəzifəsinə təyin edilib. 1990-cı il martın 3-də Bakı şəhərində anadan olan Nihad Muxtarlı 2007-ci ildə 289 saylı “Zəngi” liseyini bitirib. 2007–2011-ci illərdə Azərbaycan Dövlət İqtisad Universitetində mühasibat uçotu və audit ixtisası üzrə bakalavr təhsili alıb.

16 Fevral 2026 15:32

Bizi buradan izləyin və Bizə yazın

BAKI, AzerVoice

Əmək və Əhalinin Sosial Müdafiəsi Nazirliyinin Aparatında kadr dəyişikliyi olub.

AzerVoice xəbər verir ki, bununla bağlı əmək və əhalinin sosial müdafiəsi naziri Anar Əliyev müvafiq əmr imzalayıb.

Əmrə əsasən, Nihad Hafiz oğlu Muxtarlı Nazirliyin Aparat rəhbərinin müavini vəzifəsinə təyin edilib.

Qeyd edək ki, Nihad Muxtarlı bu təyinata qədər Nazirliyin tabeliyində fəaliyyət göstərən Dövlət Məşğulluq Agentliyinin İdarə Heyəti sədrinin müavini vəzifəsində çalışıb.

1990-cı il martın 3-də Bakı şəhərində anadan olan Nihad Muxtarlı 2007-ci ildə 289 saylı “Zəngi” liseyini bitirib. 2007–2011-ci illərdə Azərbaycan Dövlət İqtisad Universitetində mühasibat uçotu və audit ixtisası üzrə bakalavr təhsili alıb.

2011–2012-ci illərdə Şimali Kiprdə ingilis dili proqramında iştirak edib, 2012–2014-cü illərdə isə İzmir İqtisadiyyat Universitetində biznesin idarəedilməsi üzrə magistratura pilləsini başa vurub. 2014–2017-ci illərdə Qərbi Kaspi Universitetində aspirantura təhsili alıb və 2018-ci ildə iqtisad üzrə fəlsəfə doktoru elmi dərəcəsini qazanıb.

2018–2020-ci illərdə Dövlət Məşğulluq Xidmətinin Aparatında müşavir kimi fəaliyyət göstərib. 2020-ci ildən etibarən Dövlət Məşğulluq Agentliyinin İdarə Heyəti sədrinin müavini vəzifəsini icra edib.