Suriyanın şimal-şərqində Fərat çayında su səviyyəsinin yüksəlməsi ilə əlaqədar təhlükəsizlik və ehtiyat tədbirləri gücləndirilib.
Məlumata görə, Türkiyədən Fərata daxil olan suyun həcmi saniyədə 1 200 kubmetrə çatıb. Çayın səviyyəsinin hazırda 70 santimetr yüksəldiyi, növbəti 24 saat ərzində daha 30 santimetr artmasının gözlənildiyi bildirilib.
Hakimiyyət Rəqqa və Deyr əz-Zor sakinlərini çayın sahillərindən uzaq durmağa çağırıb. Su səviyyəsinin artmasının əsas səbəbi Türkiyədə yağıntıların çox olması, su anbarlarında su ehtiyatlarının yüksəlməsi və bəzi bəndlərdən su buraxılması ilə əlaqələndirilir.
