Türk Mədəniyyəti və İrsi Fondunun Prezidenti Almatıda TDT Ağsaqqallar Şurasının 19-cu iclasında iştirak edib
Qazaxıstanın ev sahibliyi ilə 23 iyuna qədər davam edəcək iclasın açılışında Türk Dövlətləri Təşkilatının (TDT) Ağsaqqallar Şurasının sədri cənab Binəli Yıldırım, TDT-yə üzv dövlətlərin ağsaqqalları, eləcə də Türk əməkdaşlıq təşkilatlarının rəhbərləri çıxış ediblər.
Səudiyyə Ərəbistanı və Qazaxıstan mədənçilik sahəsində əməkdaşlığı genişləndirir
Səudiyyə Ərəbistanı ilə Qazaxıstan arasında mədənçilik və mineral ehtiyatlar sahəsində əməkdaşlığın gücləndirilməsinə yönəlmiş anlaşma memorandumu imzalanıb. Bəndər əl-Xurayefin Qazaxıstana rəsmi səfəri çərçivəsində əldə olunan razılaşma mədənçilik sektorunda əməkdaşlığın dərinləşdirilməsinə, birgə layihələrin həyata keçirilməsinə və hər iki ölkənin şirkətləri arasında tərəfdaşlığın möhkəmləndirilməsinə xidmət edir.
Elm və təhsil naziri Türk Akademiyası Elmi Şurasının 8-ci iclasında iştirak edib
Türküstan şəhərində keçirilən Türk Akademiyası Elmi Şurasının 8-ci iclasında Türk dünyasında elmi əməkdaşlığın inkişafı, birgə tədqiqat layihələrinin genişləndirilməsi və innovativ texnologiyalar sahəsində əməkdaşlığın gücləndirilməsi əsas müzakirə mövzuları olub. İclasda çıxış edən elm və təhsil naziri Emin Əmrullayev Azərbaycanın sədrliyi dövründə həyata keçirilən təşəbbüslər barədə məlumat verərək akademik mübadilənin və universitetlərarası əməkdaşlığın genişləndirilməsinin vacibliyini vurğulayıb. Nazir süni intellekt, biotexnologiya, kvant texnologiyaları, rəqəmsal transformasiya və bərpa olunan enerji sahələrinin Azərbaycanın elm siyasətində mühüm yer tutduğunu bildirib. Toplantıda həmçinin Türk Akademiyasının gələcək fəaliyyət istiqamətləri müəyyənləşdirilib, elmi əməkdaşlığın dərinləşdirilməsi ilə bağlı yeni təşəbbüslər müzakirə olunub. İclasın sonunda sədrliyin Qazaxıstana ötürülməsi və növbəti toplantının Qırğızıstanda keçirilməsi barədə qərar qəbul edilib.
Emin Əmrullayev Türk Dövlətləri Təşkilatı Təhsil Nazirlərinin 9-cu iclasında iştirak edib
Türküstan şəhərində keçirilən Türk Dövlətləri Təşkilatının təhsil nazirlərinin 9-cu iclasında Türk dünyasında təhsil sahəsində inteqrasiyanın genişləndirilməsi, akademik mobilliyin artırılması və ali təhsil müəssisələri arasında əməkdaşlığın gücləndirilməsi əsas müzakirə mövzuları olub. Toplantıda iştirak edən elm və təhsil naziri Emin Əmrullayev təşkilat çərçivəsində həyata keçirilən layihələrin üzv ölkələr arasında elmi və təhsil əlaqələrinin inkişafına mühüm töhfə verdiyini bildirib. Görüş zamanı tələbə və müəllim mübadiləsi proqramları, vahid ali təhsil məkanının formalaşdırılması, universitetlərarası əməkdaşlığın genişləndirilməsi və yeni təhsil təşəbbüsləri ətrafında fikir mübadiləsi aparılıb. Azərbaycanın ali təhsil sahəsində daha sistemli əməkdaşlıq mexanizmlərinin yaradılmasına dair təklifi də iştirakçılar tərəfindən diqqətlə qarşılanıb. İclasın yekununda təhsil sahəsində gələcək əməkdaşlıq istiqamətlərini müəyyən edən bir sıra strateji sənədlər qəbul olunub.
TDT ölkələrinin mərkəzi banklarının Şurasının növbəti toplantısı Bakıda keçiriləcək
İyunun 4-5-də Bakıda Türk Dövlətləri Təşkilatına (TDT) üzv ölkələrin mərkəzi (milli) banklarının Şurasının növbəti toplantısı keçiriləcək. Məlumata görə, bununla əlaqədar olaraq Şuranın üzvü olan Qazaxıstan, Qırğızıstan, Özbəkistan və Türkiyə mərkəzi banklarının, həmçinin müşahidəçi qismində Macarıstan və Şimali Kipr mərkəzi banklarının rəhbər heyətləri ölkəmizə səfər edəcək. Toplantıda Türk Dövlətləri Təşkilatının Baş katibinin də iştirakı nəzərdə tutulub.
Qazaxıstanda təyyarə qəzası – pilotlardan biri həyatını itirdi
Qazaxıstanın Pavlodar vilayətində An-2 tipli təyyarə qəzaya uğrayıb. Hadisə nəticəsində bir nəfər ölüb, digər şəxs isə xilas edilib.Qəza zamanı təyyarənin göyərtəsində iki nəfər olub. Hadisə nəticəsində onlardan biri həyatını itirib. Digər pilot isə Fövqəladə Hallar Xidmətinin əməkdaşları tərəfindən xilas olunub və onun vəziyyətinin stabil olduğu, huşunun yerində olduğu qeyd edilir.
Türk Mədəniyyəti və İrsi Fondundan Oljas Süleymenovla bağlı xüsusi nəşr
26 May, 2026-cı il tarixində Qazaxıstanın Almatı şəhərində “Öz yerinin Səfiri” mövzusunda VII Avrasiya Mədəniyyətlərin Yaxınlaşması Beynəlxalq Forumu öz işinə başlayıb. Görkəmli mütəfəkkir, şair və ictimai xadim Oljas Süleymenovun 90 illik yubileyinə həsr olunan tədbir humanitar və elmi dialoqun genişləndirilməsi baxımından mühüm platformaya çevrilib.
Almatıda Birinci Bakı Türkoloji Qurultayının 100 illiyinə həsr olunmuş beynəlxalq konfrans keçirilir
Almatıda keçirilən Beynəlxalq Türkoloji Konfrans Birinci Bakı Türkoloji Qurultayının 100 illiyini qeyd edir. Tədbir türkologiya elminin tarixi nailiyyətlərini müasir çağırışlar kontekstində qiymətləndirmək, türk dövlətləri arasında elmi inteqrasiyanı gücləndirmək məqsədini daşıyır. Açılış mərasimində Qazaxıstan Prezidenti Kasım-Jomart Tokayevin salamları təqdim edilib, professor Aktotı Raimkulova və digər yüksək səviyyəli iştirakçılar 1926-cı ildə Bakıda keçirilmiş Qurultayın tarixi əhəmiyyətini və türk dünyasının birliyini vurğulayıblar. Konfrans həm akademik, həm də mədəni əməkdaşlığı inkişaf etdirmək üçün böyük platforma rolunu oynayır.
Ərdoğan Mirziyoyev ilə regional məsələləri müzakirə edib
Türkiyə Prezidenti Rəcəb Tayyib Ərdoğan Özbəkistan Prezidenti Şavkat Mirziyoyev ilə görüşüb. Görüş Ərdoğanın qalxdığı oteldə mətbuata qapalı şəkildə həyata keçirilib və Türkiyənin Xarici İşlər Naziri Hakan Fidan da iştirak edib. Görüş Qazaxıstanın Türküstan şəhərində keçirilən Türk Dövlətləri Təşkilatı Qeyri-rəsmi Zirvəsi çərçivəsində baş tutub.
Prezident İlham Əliyevin türk birliyi ideyasına şəxsi sadiqliyi Türk Dövlətləri Təşkilatında gələcək konsolidasiya üçün möhkəm zəmin yaradır - Kubanıçbek Ömüralıyev
İlham Əliyevin türk birliyi ideyasına sadiqliyi TDT-də gələcək konsolidasiya üçün möhkəm zəmin yaradır
Orta Dəhlizin əhəmiyyəti hər keçən gün daha yaxşı anlaşılır - Ərdoğan
Türkiyə Prezidenti Rəcəb Tayyib Ərdoğan Qazaxıstanın paytaxtı Astanada həmkarı Kasım-Jomart Tokayev ilə keçirdiyi birgə mətbuat konfransında regional nəqliyyat və enerji layihələri barədə strateji bəyanatlar verib. Ərdoğana iki ölkə arasındakı sarsılmaz qardaşlığın rəmzi olaraq "Xoca Əhməd Yasəvi Nişanı" təqdim edilib.
Ərdoğan Qazaxıstanda rəsmi mərasimlə qarşılanıb
Türkiyə Respublikasının Prezidenti Rəcəb Tayyib Ərdoğan rəsmi səfər üçün gəldiyi Qazaxıstanın paytaxtı Astanada Qazaxıstan Prezidenti Kasım-Jomart Tokayev tərəfindən yüksək səviyyəli rəsmi mərasimlə qarşılanıb. Ərdoğanın avtomobili Türkiyə və Qazaxıstan bayraqları ilə bəzədilmiş marşrutla hərəkət edərək Müstəqillik Sarayına gəlib.
