İsrail işğal etdiyi ərazilərdən qoşunlarını çıxarmalıdır - Livan prezidenti
İsrail işğal altında saxladığı ərazilərdən qoşunlarını çıxarmalıdır ki, Livan ordusu cənub sərhədində tam yerləşmə prosesini başa çatdıra bilsin. Bunu ölkə prezidenti Cozef Aun Beyrutda ABŞ Silahlı Qüvvələrinin Mərkəzi Komandanlığının (CENTCOM) rəhbəri admiral Bred Kuperlə görüşündə bildirib. Prezident Administrasiyasının yaydığı açıqlamada Aunun sözlərinə istinadən bildirilib ki, “Livan hərbçiləri hazırda Litani çayından cənubdakı ərazilərin 85 faizinə nəzarət edir. Lakin beynəlxalq səviyyədə tanınmış sərhəddə yerləşməyə İsrail mane olur və aqressiv hücumlarını davam etdirir.”
Livan rəsmiləri Hizbullahı daxili sabitliyi pozmaqda ittiham edir
Livanın ədliyyə naziri Adil Nəssar, silahlarını təhvil verməkdən imtina edən Hizbullaha xəbərdarlıq edib. Nəssar açıqlamasında bəzi şəxslərin silahı müdafiə adı ilə Livanı məhv etməklə hədələməsinin, “bu silahlar guya ölkəni qorumaq üçündür” iddiasını tamamilə aradan qaldırdığını bildirib.
Hizbullahın susqunluğu, Bərrinin yüksəlişi: Livanda şiə liderliyində dönüş
Hizbullahın hərbi və siyasi səhnədən çəkilməsi fonunda Nəbih Bərrinin Livandakı şiə liderliyində tək söz sahibi kimi mövqeyi güclənir. Bu dəyişiklik bölgədəki siyasi balansı necə dəyişir?
