İspaniya Türkiyədən HÜRJET reaktiv təlim təyyarələrini idxal edəcək
Türk müdafiə sənayesi aviasiya sahəsində növbəti böyük uğuruna imza ataraq, milli reaktiv təlim təyyarəsi HÜRJET-in İspaniyaya ixracını rəsmiləşdirib. Türk Havacılıq və Uzay Sənayesi (TUSAŞ) tərəfindən istehsal olunan Türkiyənin ilk milli reaktiv təyyarəsinin İspaniya Hərbi Hava Qüvvələrinin inventarına daxil edilməsinə dair rəsmi müqavilə Madriddəki Airbus müəssisələrində keçirilən mərasimlə imzalanıb.
Türkiyənin HÜRJET təyyarəsi İspaniya səmalarında F-5-ləri əvəz edəcək
Türkiyənin ilk reaktiv mühərrikli təyyarəsi olan HÜRJET-in İspaniyaya ixracı ilə beynəlxalq bazarların qapısı açılıb. Hazırda bir neçə ölkə və potensial tərəfdaşla danışıqlar davam etdirilir. HÜRJET İspaniya Hərbi Hava Qüvvələrinin inventarında olan və istismar müddətini başa vuran F-5 (AE.09) təyyarələrini əvəz edəcək.
Türkiyənin milli jeti HÜRJET-in performansı ekstremal şəraitdə təsdiqləndi
Türkiyənin milli jet təyyarəsi HÜRJET, Ərzurumda sıfırın altında 21 dərəcəyə qədər düşən dondurucu soyuq və ağır qış şəraitində keçirilən yer və yüksək irtifa performans testi fəaliyyətlərini uğurla tamamlayıb. Türkiyə Müdafiə Sənayesi Başçılığı koordinasiyasında Türk Hava və Kosmos Sənayesi (TUSAŞ) tərəfindən hazırlanmış HÜRJET-in iki prototipi testlər üçün Ərzuruma yönəldilmişdi.
Türkiyə HÜRJET təyyarələrinin İspaniyaya ixracı üzrə 2,6 milyard avroluq müqavilə imzalayıb
Türkiyə ilə İspaniya arasında müdafiə sənayesi sahəsində mühüm ixrac müqaviləsi imzalanıb. Türkiyənin ilk milli reaktiv təlim təyyarəsi HÜRJET üçün İspaniya ilə 30 ədədlik, 2,6 milyard avro dəyərində müqavilə bağlanıb. Bunu Türkiyə Respublikasının Müdafiə Sənayesi rəhbəri Haluk Görgün sosial şəbəkə hesabında açıqlayıb.
