Çinə qarşı Yeni Zelandiya - Avstraliya - Fici müdafiə ittifaqı formalaşır
Yeni Zelandiya Avstraliya və Ficinin imzaladığı müdafiə ittifaqına qoşulma imkanını nəzərdən keçirir. Bu barədə ölkənin Baş naziri Kristofer Lükson bildirib. Baş nazir qeyd edib ki, Avstraliya ilə Ficinin bu həftə hərbi müttəfiq olmaq barədə qəbul etdiyi qərar Yeni Zelandiya tərəfindən müsbət qarşılanır.
Hakan Fidanın çağırış etdiyi təhlükəsizlik paktının detalları nələrdir?
Türkiyənin Xarici İşlər Naziri Hakan Fidan Orta Şərqdə artan gərginliyin qarşısını almaq üçün region dövlətlərini vahid təhlükəsizlik çərçivəsində birləşməyə çağırıb.
Rusiya Finlandiya sərhədi boyunca yeni hərbi obyektlər qurur - Helsinki
Finlandiya Rusiyanın Arktik bölgədə hərbi fəaliyyətini genişləndirdiyini və ölkə sərhədi boyunca yeni infrastruktur qurduğunu bəyan edib. Nazir qeyd edib ki, Rusiyanın nüvə potensialının mühüm hissəsi ölkənin şimal-qərbində yerləşən Kola yarımadasında cəmləşib. Onun sözlərinə görə, bu ərazi nüvə sualtı qayıqları və uzaqmənzilli bombardmançı təyyarələr kimi strateji hərbi vasitələrə ev sahibliyi edir. Həkkanen həmçinin Rusiyanın Finlandiya sərhədi boyunca Soyuq müharibə dövrünü xatırladan yeni hərbi obyektlər inşa etdiyini vurğulayıb.
Körfəz ölkələrinin silahlı qüvvələri Səudiyyə Ərəbistanında birgə hərbi təlimlərə başladı
Fars Körfəzi Əməkdaşlıq Şurasına (GCC) üzv ölkələrin silahlı qüvvələri Səudiyyə Ərəbistanında genişmiqyaslı birgə hərbi təlimlərə başlayıb. Fars Körfəzi Əməkdaşlıq Şurası çərçivəsində keçirilən manevrlərlə bağlı Səudiyyə Ərəbistanı Müdafiə Nazirliyi bildirib ki, təlimlərdə Şuraya üzv bütün dövlətlərin qüvvələri iştirak edir. Məqsəd döyüş hazırlığını yüksəltmək, birgə əməliyyatların planlaşdırılması və icrasında inteqrasiyanı dərinləşdirməkdir.
