Yunanıstana məxsus F-16 təyyarəsi təcili eniş edib
Yunanıstan Hərbi Hava Qüvvələrinə məxsus F-16 qırıcı təyyarəsi uçuş zamanı baş verdiyi bildirilən yanğın səbəbindən Zakintos hava limanına təcili eniş edib. Məlumata görə, uçuş zamanı təyyarədə yanğın baş verdiyi ehtimal olunub. Pilot vəziyyəti nəzarət altında saxlayaraq təyyarəni təhlükəsiz şəkildə hava limanına endirməyə müvəffəq olub.
Yunan zabit NATO sirrlərini Çinə ötürməkdə ittiham olunur
Yunanıstan Hərbi Hava Qüvvələrində xidmət edən bir zabit NATO-ya məxsus məxfi məlumatları Çin tərəfinə ötürməkdə ittiham edilərək saxlanılıb. Məlumata görə, casusluqda şübhəli bilinən şəxs Yunanıstan Hərbi Hava Qüvvələrində uzun illər xidmət etmiş telekommunikasiya və informasiya sistemləri üzrə mühəndisdir. Onun NATO çərçivəsində müxtəlif texniki vəzifələrdə çalışdığı bildirilir.
