İraqdakı silahlı qrup tərksilah üçün ABŞ qüvvələrinin çıxmasını şərt qoyub
İranın dəstəklədiyi “Kətaib Seyyid əş-Şühəda” İraqda silahların dövlət nəzarətinə verilməsi üçün 10 şərt irəli sürüb. Əsas tələb ABŞ hərbi qüvvələrinin İraqdan tamamilə çıxarılmasıdır. Qrup ABŞ-nin ölkədə hər hansı ad altında hərbi mövcudluğuna son qoyulmasını istəyir. İraqın hava məkanından qonşu ölkələrə hücumlar üçün istifadənin qarşısının alınması da tələblər sırasındadır. Silahlı qrup İraq ordusunun və hava hücumundan müdafiə imkanlarının gücləndirilməsini tələb edir. Kürdüstan Fəhlə Partiyasının silahlı üzvlərinin ölkədən çıxarılması da şərtlərdən biridir. Qrup İraq Kürdüstanındakı sərhədlərin mərkəzi hökumətin nəzarətinə keçməsini və İran müxalifət qruplarının ölkədən çıxarılmasını istəyir. İraq siyasi rəhbərliyi isə silahlı qrupların tərksilah edilməsi üçün sentyabrın 30-dək vaxt müəyyən edib.
İraqda hansı qruplar silahları təhvil verməyib?
İraq Prezidenti Nizar Amidi ölkədə silahların yalnız dövlətin nəzarətində olması prosesi çərçivəsində 2-3 silahlı qrupun hələ silahlarını təhvil vermədiyini, danışıqların isə davam etdiyini bildirib. Amidinin sözlərinə görə, İraq Konstitusiyası silahların dövlətin əlində cəmləşdirilməsini tələb edir. O, Haşdi Şabi qüvvələrini və digər silahlı qrupları silahlarını təhvil verməyə, təhlükəsizlik qüvvələrinə inteqrasiya olunmağa və siyasi prosesdə iştirak etməyə çağırıb.
Kürdüstan bölgəsi heç bir münaqişənin tərəfi olmaq istəmir - İraq
İraq Kürdüstan bölgəsinin baş naziri Məsrur Bərzani bölgəsinin heç bir regional münaqişənin tərəfi olmaq istəmədiyini bildirib. O, ABŞ və İsrailin İranla müharibəsinə qoşulmaları üçün İraq kürdlərinə heç bir tərəfin təzyiq göstərmədiyini deyib. Bərzani Kürdüstan bölgəsinin əsas məqsədinin öz təhlükəsizliyini təmin etmək olduğunu vurğulayıb. O, silahların yalnız rəsmi təhlükəsizlik qüvvələrinin nəzarətində saxlanılması məsələsində İraq hökumətini dəstəklədiklərini bildirib. Baş nazirin sözlərinə görə, Kürdüstan bölgəsi mindən çox raket və pilotsuz uçuş aparatı hücumuna məruz qalıb. Bərzani hücumların bir hissəsinin İrandan, digər hissəsinin isə İraqdakı bəzi silahlı dəstələr tərəfindən həyata keçirildiyini bildirib. O, Kürdüstan bölgəsinin İsraillə heç bir əlaqəsinin olmadığını vurğulayıb. Bərzani həmçinin son 10 ildə Hərir hərbi hava bazasında ABŞ hərbçilərinin olmadığını deyib.
İraqda Əl-Zeydi hökumətinin tərksilah planı və daxili bölünmələr
Bu təhlil İraqda silahlı qruplaşmaların tərksilah edilməsi problemini hazırkı siyasi və təhlükəsizlik mənzərəsinin ən həssas dosyelərindən biri kimi nəzərdən keçirir. Mövzunun əhəmiyyəti təkcə birbaşa təhlükəsizlik ölçüsü ilə məhdudlaşmır. Bu məsələ birbaşa dövlətin öz təbiətinə uzanır. Söhbət İraq dövlətinin güc alətlərini inhisara almaq, qanunun aliliyini möhkəmləndirmək və rəsmi təsisatlarla silahlı birləşmələr arasındakı münasibətləri yenidən nizamlamaq qabiliyyətindən gedir.
Çirkli pullar və SEPAH-İran İraqda nə gizlədir?
İraq hökuməti korrupsiya araşdırmaları çərçivəsində həbs siyahısına salınan bəzi şəxslərə güzəşt edilməsi barədə İranın müraciətlərini rədd edib. İki rəsmi mənbənin verdiyi məlumata görə, Bağdad rəsmi Tehrana xəbərdarlıq edərək, Bağdadda mütəmadi olaraq gizli görüşlər keçirən İran rəsmilərinin səfərlərinin yalnız rəsmi diplomatik kanallarla nizamlanmasını tələb edib.
İraqda 1 trilyon dollarlıq korrupsiyanın xronologiyası...
İraqda korrupsiya ittihamı ilə yüksək vəzifəli şəxslərə qarşı aparılan genişmiqyaslı həbslər fonunda ölkənin son onilliklərdə korrupsiya səbəbindən nə qədər iqtisadi zərərə məruz qaldığı yenidən gündəmə gəlib. İraq hökumətinin açıqlamasına görə, indiyədək maliyyə və inzibati korrupsiya işləri üzrə 21 yüksək vəzifəli şəxs saxlanılıb. Digər şübhəlilərin tutulması istiqamətində hüquq-mühafizə orqanlarının əməliyyatları davam edir.
Bağdadda hərbi qarşıdurma xofu: İraq hökuməti qruplaşmaların silahlarını müsadirə edir
İraq hökuməti silahların yalnız dövlətin əlində cəmləşdirilməsini nəzərdə tutan öz xüsusi proqramının icrasını qətiyyətlə davam etdirəcəyini yenidən bəyan edib. Bu ərəfədə bəzi silahlı qruplaşmalar rəsmi orqanlarla əməkdaşlıq etməyə hazır olduqlarını nümayiş etdirsələr də, digər qruplaşmalar bu addımları rədd edərək, prosesi "müqavimət silahı"na qarşı yönəlmiş bir hədəf kimi qiymətləndiriblər.
İraqda yeni dövr başlayır - Əli əl-Zeydi korrupsiya ilə mübarizə və sabitlik vəd etdi
İraqın yeni Baş naziri Əli əl-Zeydi vəzifəsinin icrasına rəsmi olaraq başladıqdan sonra ölkənin iqtisadi, təhlükəsizlik və dövlət idarəçiliyi sahələrində genişmiqyaslı islahatlar həyata keçirəcəyini açıqlayıb.
İraqda yeni hökumət necə formalaşdı və kimlər nazir oldu?
İraqda yeni hökumətin formalaşdırılması prosesi yekunlaşıb və Baş nazir və kabinet üzvləri parlamentdə keçirilən səsvermə nəticəsində etimad qazanaraq rəsmi şəkildə vəzifəyə başlayıblar.
