Avropa İttifaqı Taliban nümayəndə heyəti ilə gizli görüş keçirir: deportasiya siyasətində yeni mərhələ başlayır?

Avropa İttifaqı sığınacaq müraciətləri rədd edilən və ya üzv ölkələrdə cinayət törədən Əfqanıstan vətəndaşlarının geri qaytarılması prosesini sürətləndirmək məqsədilə Taliban nümayəndə heyəti ilə Brüsseldə qapalı formatda görüş keçirir. Məlumata görə, Taliban nümayəndələri Avropa İttifaqı əməkdaşları ilə deportasiya prosedurlarını müzakirə etmək üçün Belçikanın paytaxtına gəliblər. Görüş Avropa ölkələrinin miqrasiya siyasətində artan təzyiqlər və geri qaytarma mexanizmlərinin gücləndirilməsi fonunda baş tutur.