Dünya Bankası Suriyaya 100 milyon dollar qrant ayıracaq

Dünya Bankası 14 il davam edən münaqişələrdən sonra maliyyə sektorunu yenidən qurmağa çalışan Suriyaya 100 milyon dollarlıq qrant ayıracaq. Dünya Bankasının İcraçı Direktorlar Şurasının Beynəlxalq İnkişaf Assosiasiyası (IDA) tərəfindən təqdim ediləcək qrantı avqustun 6-da təsdiqlədiyi bildirilib. Maliyyələşdirmə Suriya Maliyyə Sektorunun Modernləşdirilməsi Layihəsi çərçivəsində həyata keçiriləcək. Layihənin əsas məqsədi ölkədə maliyyə əməliyyatlarını daha təhlükəsiz, sürətli və şəffaf etmək, həmçinin əhalinin maliyyə xidmətlərinə çıxışını genişləndirməkdir.