Eyfel Qülləsi söküləcəkmi?
Parisin ən məşhur rəmzlərindən biri olan Eyfel Qülləsinin 2026-cı ildə söküləcəyi barədə sosial mediada yayılan məlumatlar tamamilə əsassız çıxıb. 2 oktyabr tarixində Fransanın 200-dən çox şəhərində və qəsəbəsində insanlar hökumətin büdcə xərclərini azaltma siyasətinə etiraz məqsədilə küçələrə çıxıblar. Paytaxt Parisdə minlərlə insanın qatıldığı aksiyalar zamanı təhlükəsizlik məqsədilə Eyfel Qülləsinə giriş müvəqqəti olaraq dayandırılıb.
İsrailli girovların ailələri Netanyahuya qarşı etirazlarını gücləndirib
HƏMAS-ın əlində saxlanılan israilli girovların ailələri baş nazir Benyamin Netanyahunun siyasətinə qarşı etirazlarını gücləndiriblər. Ailələr həmçinin Netanyahunun onlarla görüşməkdən imtina etdiyini və tələblərini dinləmədiyini bildiriblər. Onların sözlərinə görə, baş nazir görüş üçün qrafikində vaxt olmadığını bəhanə gətirib. Girov ailələri açıqlayıblar ki, yaxınlarının Qəzzaya aparılmasından 700 gün keçdiyi üçün Netanyahu ilə görüş tələb ediblər. Lakin bir müddət sonra onlara görüşün baş tuta bilməyəcəyi bildirilib. Ailələr baş naziri onlardan qaçmaqda ittiham edərək deyiblər: “İki ildir övladlarımızı laqeyd qoyduğu üçün artıq gözlərimizə baxa bilmir.”
Fransada Makron əleyhinə keçirilən aksiyalarda 540 nəfər saxlanılıb
Fransada dünən keçirilən Emmanuel Makron əleyhinə etiraz aksiyalarında 540 nəfər saxlanılıb. Bu həftə mərkəz sağçı Fransua Bayrunun hökumətinin süqutundan sonra Sebastyan Lekornu yeni baş nazir təyin edilib. Ölkə isə dünən Makronun siyasətlərinə qarşı kütləvi etirazlarla gündəmdə olub. Fransa Daxili İşlər Nazirliyinin məlumatına görə, ölkə üzrə 850 müxtəlif nöqtədə keçirilən aksiyalara təxminən 200 min nəfər qatılıb.
Nepalda etirazçılar hava limanını yandırıblar
Nepalda etirazçılar ölkənin mərkəzi-cənub hissəsində yerləşən Bhayrahava şəhərindəki Qautama Budda adına beynəlxalq hava limanını yandırıblar. Məlumata görə, təxminən min nəfər nümayişçi əraziynə daxil olaraq hava limanını dağıdıb və bir neçə avtomobili yandırıb. Onlar günorta saatlarından etibarən hava limanının qarşısında etiraz aksiyası keçirirdilər.
Vaşinqtonda minlərlə insan Milli Qvardiya qüvvələrinin şəhərdən çıxarılmasını tələb edib
ABŞ-ın paytaxtı Vaşinqtonda minlərlə insan küçələrdə aksiya keçirərək prezident Donald Trampdan Milli Qvardiya qüvvələrinin şəhərdən çıxarılmasını tələb edib. “Hamımız paytaxtıq” adı altında təşkil olunan yürüşdə qeydiyyatsız miqrantlar və fələstinlilərə dəstək verən iştirakçılar da yer alıblar. Etirazçılar Trampa qarşı şüarlar səsləndirib, “Tramp indi getməlidir”, “Paytaxtı azad edin” və “Diktaturaya qarşı çıxın” sözlərinin yazıldığı plakatlar qaldırıblar. Xatırladaq ki, Tramp ötən ay şəhərdə cinayətlərin artdığını əsas gətirərək qanun və asayişi bərpa etmək məqsədilə hərbçiləri küçələrə çıxardığını bəyan etmişdi. O, həmçinin Vaşinqton polis idarəsini birbaşa federal nəzarət altına almış və küçələrdə təhlükəsizliyi təmin etmək üçün Miqrasiya və Gömrük Xidməti də daxil olmaqla federal hüquq-mühafizə qurumlarının əməkdaşlarını şəhərə göndərmişdi.
İsraildə tələbələr girovların azad olunması tələbi ilə aksiya keçiriblər
Bu gün İsraildə tələbələr küçələrə çıxaraq girovların azad edilməsini və Qəzza zolağında sülh sazişinin imzalanmasını tələb ediblər. Yüzlərlə tələbə ölkənin şimalında yol ayrıcını bağlayaraq İsrail ilə HƏMAS arasında razılaşma əldə olunmasını və Qəzzada saxlanılan girovların azad edilməsini tələb edib. Məlumata əsasən, bəzi tələbələr “Girovlar olmadan təhsil yoxdur” yazılmış plakatlar qaldırıblar.
İsveçdə İsrailin Qəzza siyasətinə qarşı etiraz aksiyası keçirib
İsveçin paytaxtı Stokholmda yüzlərlə insan İsrailin Qəzzadakı aclıq siyasətini və jurnalistləri hədəf almasına etiraz edib. AzerVoice xəbər verir ki, çox sayda vətəndaş cəmiyyəti təşkilatının çağırışı ilə Odenplan Meydanında toplanan yüzlərlə insan, 25 avqustda İsrailin Qəzza zolağının cənubundakı Xan Yunusda yerləşən Nasser Xəstəxanasına etdiyi hücumlar nəticəsində həlak olan jurnalistlərin simvolik tabutlarını və fotoşəkillərini daşıyıb.
Trampın əleyhdarları ona qarşı etiraz aksiyaları keçirməyə hazırlaşırlar
ABŞ prezidenti Donald Trampın və onun administrasiyasının əleyhdarları ölkə üzrə yüzlərlə etiraz aksiyası keçirməyə hazırlaşırlar. Məlumata görə, “May Day Strong” təşkilatı həmkarlar ittifaqları ilə birlikdə “İşçilər milyarderlərdən üstündür” şüarı altında 765 aksiyanın keçirilməsini planlaşdırır. Bundan başqa, respublikaçılar tərəfindən seçki dairələrinin sərhədlərinin dəyişdirilməsinə qarşı çıxan qruplar da milli bayram günü nümayişlər təşkil edəcəklər.
Təl-Əvivdəki iğtişaşlarda iştirak edən şəxs saxlanılıb
Təl-Əvivdə Qəzza müharibəsinin davam etməsinə qarşı və girovların azad olunması tələbi ilə keçirilən etiraz aksiyasının iştirakçısı saxlanılıb. İsrail Polisinin verdiyi məlumata görə, onun üzərindən tüstü qumbarası götürülüb. Bundan əlavə, bir neçə nümayişçiyə avtomobil yolunu bağlayaraq hərəkətə mane olduqları üçün cərimə yazıldığı bildirilib. Polis bəyan edib ki, “əsas etiraz yerlərində ictimai asayişin pozulmasına yol verməmək üçün gücləndirilmiş rejimdə fəaliyyət göstərir”.
Tramp Vaşinqtonda polis və hərbçilərlə patrula çıxacağını açıqlayıb
Tramp minlərlə Milli Qvardiya və federal agenti şiddətli cinayət dalğasını əsas gətirərək paytaxta yerləşdirib, lakin şəhər rəsmiləri federal və şəhər statistikasına istinad edərək zorakı cinayətlərin 2023-cü ildən bəri əhəmiyyətli dərəcədə azaldığını bildiriblər. Vitse-prezident J.D. Vans və müdafiə naziri Pete Hegseth isə çərşənbə günü Union Station-da əsgərlərə baş çəkib; həmin vaxt etirazçılar oraya toplaşaraq şüarlar səsləndirib və istehzalı şərhlər veriblər.
Serbiyada hökumətə dəstək məqsədilə aksiyalar keçirilib
Serbiyanın 50-dən çox şəhər və yaşayış məntəqəsində hökumətə dəstək məqsədilə aksiyalar keçirilib. Serbiya prezident Aleksandr Vuçiç çıxışında bildirib ki, keçirilən aksiyalar hökumət əleyhdarlarına qarşı yönəlməyib. Onun sözlərinə görə, məqsəd etirazların zorakı formalarının qarşısını almaqdır.
Microsof İsrail ordusu ilə əməkdaşlıqda ittiham olunur
ABŞ-ın texnologiya şirkəti “Microsoft”un Vaşinqton ştatındakı mərkəzi ofisi qarşısında əməkdaşlar və fəallar tərəfindən etiraz aksiyası keçirilib. Aksiya iştirakçıları şirkəti İsrail ordusu ilə əməkdaşlıqda ittiham ediblər. Məlumata görə, “Apartheid üçün Azure yoxdur” adlı qrupun təşkil etdiyi etiraz zamanı iştirakçılar çadırlar qurub, pankartlar açaraq şirkətin İsraillə müqavilələrini ləğv etməsini tələb ediblər. Həmçinin Microsoft-un binalarından birinə “Şəhid Fələstinli Uşaqları Plaza” yazılmış banner asılıb, ərazi sosial mediada “Azad edilmiş zona” kimi təqdim olunub
