BAKI, AzerVoice, Nailə Babazadə
Türkiyə Prezidenti Rəcəb Tayyib Ərdoğan İstanbul Konqres Mərkəzində keçirilən 41-ci İSEDAK Toplantısının açılış mərasimində çıxış edib. O, çıxışında Sudandakı mülki əhaliyə qarşı törədilən qırğınlara sərt reaksiya göstərərək İslam dünyasını həmrəyliyə çağırıb.
AzerVoice xəbər verir ki, Prezident bildirib ki, hazırda İslam aləmi vicdan, iradə və dərin düşüncə baxımından çox çətin bir sınaq dövründən keçir.
“Bu dövrdə bir-birimizə daha sıx bağlı olmalı, hamımızı maraqlandıran problemlərin üzərinə qətiyyət və soyuqqanlılıqla getməliyik.” - deyə Ərdoğan qeyd edib.
Ərdoğan çıxışında Peyğəmbər Məhəmmədin (s.ə.s) “Müsəlmanların bir-biri ilə münasibəti bir-birinə bağlı bina kimidir” hədisini xatırladaraq, İslam ölkələri arasında birliyin qorunmasının vacibliyini vurğulayıb:
“Aramızdakı münasibətləri elə bir səviyyəyə çatdıraq ki, bu bina həmişə möhkəm qalsın, sarsıntılardan, hücumlardan və təxribatlardan heç bir şəkildə təsirlənməsin.”- deyə Ərdoğan vurğulayıb.
