Bakı, AzerVoice
Ukrayna prezidenti Vladimir Zelenski, Türkiyə prezident Rəcəb Tayyib Ərdoğan ilə görüşmək üçün dünən axşam Ankaraya gəlib.
AzerVoice xəbər verir ki, Zelenski və nümayəndə heyətini daşıyan təyyarə yerli vaxtla saat 21:08-də Ankara Esenboğa Hava Limanına enib.
Onu Türkiyənin ticarət naziri Ömər Bolat və digər rəsmi şəxslər hava limanında qarşılayıb.
Sabah Prezident Kompleksində Zelenski və Ərdoğan arasında görüş planlaşdırılır. Görüşdə Türkiyə-Ukrayna strateji tərəfdaşlıq əlaqələri bütün aspektlərdə müzakirə olunacaq.
İki ölkə arasında əməkdaşlığın daha da gücləndirilməsi üçün atılacaq addımlar dəyərləndiriləcək. Səfər zamanı Ukraynadakı son hadisələr, regional və qlobal məsələlər müzakirə ediləcək.
