Bakı, AzerVoice

Çin ordu qəzeti Türkiyənin 5-ci nəsil döyüş təyyarəsi Kaan haqqında məqalə dərc edib.

AzerVoice xəbəb verir ki, məqalədə Türkiyənin F-35 layihəsindən çıxarılmasından və Türkiyənin idxala olan asılılığının azaldılmasından bəhs edilib.

“ABŞ-nin sanksiyaları Türkiyəni qətiyyətli hala gətirdi”- deyə bildirilən məqalədə “KAAN-ın 5-ci nəsil döyüş təyyarəsi olduğu da” qeyd edilib.

“Türkiyənin 5-ci Nəsil Təyyarəsi KAAN-ın Ar-Ge-sinin Başlanması və Sonu” başlıqlı yazıda Türkiyənin müdafiə sənayesində xarici asılılığının azalmasından bəhs edilib.

Məqalədə deyilir ki, 2002-ci ildə xarici asılılıq 80 faiz təşkil edirdisə, bu gün bu nisbət 20 faizə enib.

Həmçinin məqalədə KAAN-ın manevr qabiliyyətlərindən, radar gizliliyindən və aşkarlama imkanlarından bəhs edilib.

Məqalədə Türkiyə prezidenti Ərdoğanın dediyi “Türkiyə 5-ci nəsil döyüş təyyarələrinin istehsalında növbəti kritik mərhələni keçdi” ifadəsi də yer alıb.

Qeyd edək ki, Türkiyə 5-ci nəsil döyüş təyyarəsinə sahib azsaylı ölkədən biridir.