Bakı, AzerVoice
Qəzzada atəşkəsə nail olmaq üçün ən uyğun vasitəçi ölkə Türkiyədir.
AzerVoice xəbər verir ki, bu barədə amerikalı akademik Adam McConnell açıqlama verib.
O bildirib ki, İsrailin fələstinlilərə qarşı hücumları davam edərkən, ABŞ-ın İsrailə verdiyi hərtərəfli dəstək səbəbindən Vaşinqton bu məsələdə vasitəçi ola bilməz. Akademik İsrailin fələstinlilərə qarşı soyqırım törətdiyini və bu cinayəti həyata keçirərkən də ABŞ-ın dəstəyindən istifadə etdiyini qeyd edib.
McConnell, Bayden administrasiyasının Qəzzada atəşkəsə dair verdiyi bəyanatların səmimi olmadığını və Vaşinqtonun hərbi, siyasi və diplomatik münasibətlərinə görə atəşkəsə vasitəçilik edə bilmədiyini bildirib. Bu şəraitdə, bölgədə sülhün təmin olunmasında diqqətin Türkiyəyə yönəldiyini qeyd edib.
O, Türkiyənin vasitəçilik rolunun güclü olduğunu və bu fikrin getdikcə daha çox qəbul edildiyini vurğulayıb. McConnell, ABŞ-ın İsraili siyasi cəhətdən cilovlaya bilmədiyini və Vaşinqtonun vasitəçi olmaq iddiasının gülünc olduğunu söyləyib. O, Qəzzada atəşkəs üçün vasitəçilik edə biləcək yeganə ölkənin hazırda Türkiyə olduğunu bildirib.
McConnell əlavə edib ki, prosesə qarışan bütün tərəflər Türkiyənin potensial vasitəçilik rolundan xəbərdardırlar və ABŞ-dan başqa İsrailə yardım edən dövlətlər də Türkiyənin vasitəçilik imkanlarını qəbul edirlər.
