BAKI, AzerVoice
Türkiyənin Van vilayətində ardıcıl üç zəlzələ baş verib.
AzerVoice xəbər verir ki, bu barədə Türkiyənin Fövqəladə Hallar və Təbii Fəlakətlərin İdarə Olunması İdarəsi (AFAD) məlumat verib.
Məlumata görə, ilk zəlzələ bu gün yerli vaxtla səhər saat 10:53-də Van vilayətinin Tuşba rayonunda 3,2 bal gücündə qeydə alınıb. Zəlzələ yerin 12 kilometr dərinliyində baş verib və ətraf rayonlarda da hiss olunub.
Daha sonra isə, bölgədə 3,6 və 4,1 maqnitudalı daha iki zəlzələ baş verib. Qısa aralıqlarla qeydə alınan bu təkanlar bölgədə qorxu və narahatlığa səbəb olub.
Hazırda bölgədə zərər və ya tələfatla bağlı rəsmi məlumat verilməyib.
