Türkiyə Fələstin Dəstəyini Davam Etdirəcək - Ömər Çəlik

10 May 2025 13:34

Türkiyə Fələstin məsələsini və ümumbəşəri dəyərləri müdafiə etməkdən geri durmayacaq.

AzerVoice xəbər verir ki, bu barədə AK Parti sözçüsü və sədr müavini Ömər Çelik sosial media hesabında paylaşım edib.

O, ABŞ-da saxlanıldıqdan sonra azadlığa buraxılan türkiyəli tələbə Rümeysa Öztürklə bağlı açıqlama verib.

“Fələstindəki zülmə qarşı çıxdığı və insanlıq dəyərlərini müdafiə etdiyi üçün həbs edilən Rümeysa Öztürk bacımız azad edilib. Ona salamlarımızı göndəririk”- deyə paylaşımda qeyd olunub.

Qeyd edək ki, Massachusetts ştatında yerləşən Tufts Universitetində doktorantura təhsili alan Rümeysa Öztürk, 25 mart axşamı dostları ilə iftara gedərkən maskalı ABŞ Göç və Gömrük Nəzarəti (ICE) əməkdaşları tərəfindən saxlanılıb.

ABŞ Dövlət Katibi Marko Rubio, Öztürkün tələbə vizasının ləğv edildiyini və onun sərhəddən çıxarılacağını açıqlayıb. Rubio həmçinin HƏMAS tərəfdarı və İsrail əleyhdarı olaraq tanıdığı 300-dən çox xarici tələbənin vizalarının ləğv edildiyini bildirib.

Lakin ABŞ-ın federal hakimi Denise Casper, ICE tərəfindən saxlanılan Öztürkün deportasiyasını dayandırmaq qərarı verib.

Öztürkün təhsil aldığı Tufts Universiteti tələbəsinin azad olunmasını tələb etmiş, rektor Sunil Kumar məhkəməyə təqdim etdiyi bəyanatda Rümeysa Öztürkün həbsinin beynəlxalq tələbə icmasında ciddi təşvişə səbəb olduğunu, məktəbin ümumi təhlükəsizliyi ilə bağlı narahatlıq yaratdığını vurğulayıb.