BAKI, AzerVoice

Ankarada FETÖ -ya qarşı əməliyyatı keçirilib.

AzerVoice xəbər verir ki, Ankara Respublika Baş Prokurorluğunun Terror Cinayətləri İstintaq Bürosu tərəfindən aparılan istintaq çərçivəsində 2012 və 2013-cü illərdə keçirilən dövlət imtahanlarında FETÖ/PDY-nin sualları öncədən paylaşdığı aşkarlanıb.

Araşdırmalar zamanı məlum olub ki, Gəlir Mütəxəssisi Köməkçisi və Vergi Müfəttişliyi Qəbul İmtahanlarında iştirak edən bəzi şəxslərə imtahan sualları öncədən verilib və şübhəlilər təşkilati rabitə vasitəsi kimi “ByLock” proqramından istifadə ediblər.

Bu səbəbdən biri hazırda dövlət xidmətində olan, digərləri isə daha əvvəl vəzifədən uzaqlaşdırılmış 5 nəfər barəsində həbs qərarı çıxarılıb.

Qeyd edək ki, Ankara Polis İdarəsinin Maliyyə Cinayətləri ilə Mübarizə Şöbəsinin əməkdaşları tərəfindən Ankara mərkəzli 2 vilayətdə eyni vaxtda həyata keçirilən əməliyyat nəticəsində şübhəlilər saxlanılıb.