BAKI,AzerVoice, Fərid Mikayılov
Beynəlxalq səviyyədə axtarılan narkotik baronu Abdullah Alp Üstün və onun təşkilat üzvü Hasan Lala Birləşmiş Ərəb Əmirliklərində (BƏƏ) saxlanılaraq Türkiyəyə ekstradisiya edilib.
AzerVoice xəbər verir ki, Türkiyə Daxili İşlər Nazirliyi tərəfindən verilən məlumata görə, əməliyyat nazirliyinin İnterpol‑Europol Dairəsi, Narkotik Cinayətlərə Qarşı Mübarizə və Kəşfiyyat İdarələri, BƏƏ təhlükəsizlik qurumları və İstanbul Baş Polis İdarəsinin birgə koordinasiyası ilə həyata keçirilib.
Məlumata görə, “CHROOKE” cinayət təşkilatının rəhbəri və “Don Vito” ləqəbli Abdullah Alp Üstün, cinayət yolu ilə əldə olunmuş vəsaitlərin yuyulması, narkotik ticarəti və cinayət təşkilatı yaratmaq ittihamları ilə qırmızı bültenlə axtarılırdı.
Əməliyyat çərçivəsində, təşkilat daxilində maliyyə vəsaitlərinə nəzarət edən və “təşkilata üzv olmaq, narkotik maddə idxalı və cinayət yolu ilə əldə edilmiş vəsaitlərin yuyulması” ittihamları ilə Qırmızı Difüzyon Mesajı ilə axtarılan Hasan Lala da saxlanılıb.
Bu əməliyyat, Türkiyənin beynəlxalq əməkdaşlıq çərçivəsində narkotiklə mübarizədə qətiyyətli mövqeyini bir daha ortaya qoyur.
