BAKI,VOA Yusif Şərifzadə
Türkiyənin xarici işlər naziri Hakan Fidan Ankara üçün ABŞ və İran arasında əldə olunmuş atəşkəsin qorunmasının əsas prioritet olduğunu bildirib.
VOA xəbər verir ki, Hakan Fidan müsahibəsində Türkiyənin bölgədə gərginliyin yenidən artmasını istəmədiyini deyib.
“Ən təcili narahatlığımız atəşkəsin davam etməsidir. Hazırda bizim üçün əsas prioritet budur”, – deyə türkiyəli nazir vurğulayıb.
Hakan Fidan əlavə edib ki, heç kim müharibənin yenidən başlamasında maraqlı deyil. Onun sözlərinə görə, davam edən gərginlik qlobal iqtisadiyyata və dünya enerji təhlükəsizliyinə artıq ciddi zərər vurub.
Nazir bildirib ki, bölgədə sabitliyin qorunması və diplomatik həll yollarının ön plana çıxması beynəlxalq təhlükəsizlik baxımından xüsusi əhəmiyyət daşıyır.
