BAKI,AzerVocie Analitik təhlil Mərkəzi
İsrail müdafiə naziri Yisrael Kats çərşənbə günü xəbərdarlıq edərək bildirdi ki, HƏMAS siyasi rəhbərliyinə heç bir toxunulmazlıq verilməyəcək. Bu açıqlama İsrailin Dohada olan liderlərə yenidən hücum edə biləcəyi mənasını verir və ABŞ Prezidenti Donald Trumpın Qətərə verdiyi “İsrail ona yenidən hücum etməyəcək” təminatına meydan oxuya bilər.
İsrailin bu təhdidi, Qətərin Trump planını uğurla həyata keçirmək üçün HƏMAS-a təzyiq göstərdiyi bir vaxta təsadüf edir - yalnız ilkin mərhələnin uğurla başa çatdırılması deyil, həm də HƏMAS-ın silahsızlanması ilə bağlı açıq öhdəlik qəbul etməsinə nail olmaq üçün ciddi təzyiq edilir. Bu, ABŞ planı üçün həlledici məqamdır.
HƏMAS siyasi rəhbərliyi Qətərdə yerləşir və xatırladaq ki, keçən il sentyabrın 9-da hərəkətin danışıqlar nümayəndə heyəti Dohada Katara rayonunda yerləşdikləri qərargaha qarşı İsrail hücumundan sağ qalmışdı.
O hücum regional və beynəlxalq qəzəb doğurmuş, sonradan ABŞ Prezidenti Donald Trump isə Dohaya qarşı İsrailin hər hansı bir hücumunun qarşısını alacağına söz vermişdi.
Hələlik aydın deyil ki, İsrail müdafiə nazirinin verdiyi xəbərdarlıq yalnız HƏMAS-a təzyiq göstərmək üçün sözlü bir təhdiddirmi, yoxsa İsrail hökuməti ABŞ-ın Qətərə verdiyi təminatları əngəlləmək barədə ciddi şəkildə düşünür.
Katsın ofisindən yayılan bəyanatda deyilir: “HƏMAS terror təşkilatının rəhbərliyindən olan heç kəsə toxunulmazlıq verilməyəcək - nə rəsmilərinə, nə də tunnellərdə gizlənənlərə. Hər hansı bir əl İsrail əsgərinə uzadılarsa, o əl kəsiləcək. İsrail ordusu HƏMAS-ın hər bir hədəfinə qarşı qətiyyətlə hərəkət etməsi barədə göstəriş alıb və bu siyasəti davam etdirəcək.”
Ekspretlər bildirirlər ki, Qətərdə və ya Misirdə HƏMAS rəhbərliyini hədəfləyən hər hansı yeni bir İsrail hücumu Trumpın sülh planını alt-üst edə bilər; buna görə də əgər ABŞ bölgədə gərginliyin azalmasını həqiqətən istəyirsə, belə bir hücumun qarşısını almaq üçün tədbir görməli olacaq.
Əgər İsrail Dohaya qarşı yeni hücum həyata keçirsə, bu ABŞ üçün daha da utancverici olar, çünki Qətər Trump planını uğurlu etmək üçün əlindən gələni edir və HƏMAS-a tərəfdaş kimi çıxış etməsi üçün ciddi təzyiq göstərir.
Qətər Baş Naziri Şeyx Məhəmməd bin Əbdülrəhmən əl-Thani çərşənbə günü Qəzza zolağında İsrailə məxsus əsgərlərə edilən hücum və İsrailin buna cavab olaraq keçirdiyi hava zərbələrini “təəssüf doğuran və bizim üçün çox ümidsizləşdirici” adlandırdı.
Qətər rəhbərliyi Trump planını uğurlu etmək üçün əlindən gələni edir və silahlarını təhvil verməyə çağırır.
Nyu-Yorkdakı (Milli Xarici Münasibətlər Şurası) tədqiqat mərkəzi qarşısında çıxış edən Şeyx Məhəmməd bin Əbdülrəhmən dedi ki, HƏMAS Qəzza hakimiyyətindən imtina etməyə hazır olduğunu açıq şəkildə göstərir və Qətər onu silahsızlanma tələbini qəbul etməyə təşviq etməyə çalışır.
HƏMAS siyasi rəhbərliyinə sığınacaq verən Qətər, 2023-cü il 7 oktyabrda onların İsrailə hücumundan sonra İsrailin məhvedici hərbi əməliyyatlarına cavab olaraq aparılan danışıqlarda vasitəçilikdə əsas rol oynayıb.
Keçən ay İsrail Qətərdə HƏMAS-ın bəzi liderlərini hədəfləyən zərbə həyata keçirmişdi.
