Misir İordaniya və Körfəz Əməkdaşlıq Şurasına üzv ölkələrin təhlükəsizliklərini, sabitliklərini və suverenliklərini qorumaq üçün atdıqları addımlara tam dəstək verdiyini bəyan edib.
İranın “qardaşlıq və vəhdət” adı altında ədavət sənəti
ArabAZ xəbər verir ki, Misir Xarici İşlər Nazirliyinin yaydığı bəyanatda İordaniya və Körfəz ölkələrinin birgə bəyanatı alqışlanıb. Qahirə bu addımın davam edən hücumlara qarşı ərəb birliyini əks etdirdiyini bildirib və bütün ərəb dövlətləri ilə həmrəy olduğunu bir daha diqqətə çatdırıb.
Rəsmi Qahirə İordaniya və Körfəz ölkələrinin suverenliklərini qorumaq üçün gördüyü hüquqi tədbirləri dəstəkləyib. Eyni zamanda bu ölkələrin suverenliyinə, mülki əhalisinə, mülki infrastrukturuna və mühüm obyektlərinə qarşı təşkil olunan hücumları kəskin şəkildə pisləyib. Bəyanatda beynəlxalq dəniz təhlükəsizliyini və gəmiçilik azadlığını təhdid edən hər bir əməl rədd edilib.
Sənəddə dövlətlərin suverenliyinə, vahidliyinə və ərazi bütövlüyünə hörmət edilməsinin vacibliyi vurğulanıb. Regionda və dünyada sülhü qorumaq üçün güc tətbiqindən imtina edilməsi, xoşqonşuluq prinsiplərinə riayət olunması və daxili işlərə qarışılmaması tələb olunub.
Bir qədər əvvəl İordaniya və Körfəz Əməkdaşlıq Şurasına üzv ölkələr İranın birbaşa və ya proxy qüvvələri vasitəsilə onların ərazilərinə etdiyi hücumları pisləmişdilər. Onlar BMT Təhlükəsizlik Şurasının 2817 saylı qətnaməsinə və beynəlxalq hüquq normalarına istinad etmişdilər.
- Husilərin “mühasirə” yalanı və Yəməndəki real vəziyyət
- Süni intellekt bumu və iqtisadi artım dollara tələbatı artırır-QNB
- İranın hücumlarına qarşı altı Körfəz ölkəsi hansı adımı atır?
- Səudiyyə yay festivalında hansı yerli ənənələr nümayiş olundu?
- Bab əl-Məndəb boğazında ticarət gəmiləri qorunacaq
- Livan siyasi həyatına qayıtmaq istəyən Saad Əl-Hariri kimdir
Müştərək bəyanatda İranın 2026-cı il iyunun 17-də ABŞ ilə anlaşma memorandumu imzalamasına baxmayaraq, fevralın 28-dən bəri hücumlarını dayandırmadığı bildirilib. Bu hücumların xüsusilə Bəhreyn, Küveyt və İordaniyaya qarşı intensivləşdiyi, enerji obyektlərinin, su təmizləmə qurğularının, limanların və hava limanlarının hədəfə alındığı qeyd olunub.
Yeddi ərəb ölkəsi İranın bu addımlarının BMT Nizamnaməsini və beynəlxalq humanitar hüququ kobud şəkildə pozduğunu bəyan edib. Onlar BMT Nizamnaməsinin 51-ci maddəsinə əsasən fərdi və kollektiv özünümüdafiə hüquqlarından istifadə edəcəklərini, suverenliklərini və mülki infrastrukturu qorumaq üçün bütün qanuni tədbirləri görəcəklərini vurğulayıblar.
