Bakı, AzerPress:
Avropa Voleybol Konfederasiyası Azərbaycan Voleybol Federasiyasının baş koordinatoru Zöhrab Gözəlbəyliyə növbəti dəfə etimad göstərib.
İdman.biz xəbər verir ki, həmyerlimiz kişi voleybolçular arasında Çelenc kubokunun 1/4 final mərhələsinin cavab qarşılaşmasına supervayzer təyin edilib.
O, yanvarın 17-də İstanbulda keçiriləcək “Qalatasaray” (Türkiyə) - “Fonte Bastardo” (Portuqaliya) klublarının oyununda hakimlərin işinə qiymət verəcək. Görüşün hakimləri bolqarıstanlı İvan Momirov və italiyalı Miçele Brunelli olacaq.
Qeyd edək ki, komandalar arasında baş tutan ilk matçda Türkiyə təmsilçisi 3:0 hesabı ilə qalib gəlib.
İdman.biz
