BAKI,VOA,Yusif Şərifzadə
ABŞ Prezidenti Donald Tramp İranla əldə olunan razılaşmanın tam şəkildə imzalandığını açıqlayıb.
VOA xəbər verir ki, Fransanın Evian şəhərində Fransa Prezidenti Emmanuel Makronla birgə çıxış edən Tramp razılaşma prosesinin yekunlaşdığını bildirib.
ABŞ liderinin sözlərinə görə, Tehranla əldə olunan sənəd artıq tam razılaşdırılıb və imzalanıb.
Tramp həmçinin Hörmüz boğazında gəmi hərəkətinin qismən bərpa olunduğunu qeyd edib.
Onun sözlərinə görə, strateji əhəmiyyət daşıyan dəniz yolu hazırda mərhələli şəkildə açılır.
ABŞ Prezidenti bildirib ki, boğazın tam şəkildə istifadəyə verilməsi cümə gününə qədər baş tutacaq.
Tramp bu addımın beynəlxalq ticarət və enerji daşımaları baxımından mühüm əhəmiyyət daşıdığını vurğulayıb.
Bununla yanaşı, razılaşmanın tam mətni və texniki detalları ilə bağlı əlavə məlumatların yaxın günlərdə açıqlanacağı gözlənilir.
