İran xarici işlər naziri Almaniya həmkarı ilə danışıqlar aparıb

İranın xarici işlər naziri Abbas Əraqçi Almaniya və Pakistan həmkarları ilə telefon danışığı keçirib. Əraqçi Almaniyanın xarici işlər naziri İohann Vadeful ilə regional və beynəlxalq məsələləri müzakirə edib. Danışıq Almaniyanın Donald Trampın Qəzza planına münasibət bildirməsindən sonra baş tutub. Berlin həmin planın HƏMAS-ın tərksilahına yol aça biləcəyini açıqlayıb. İsrailin Baş naziri Benyamin Netanyahu isə planı rədd edib. Əraqçi Pakistanın xarici işlər naziri İshaq Darla da danışıqlar aparıb. Tərəflər İran-Oman danışıqlarının gedişini və Pakistan-Səudiyyə Ərəbistanı-Türkiyə müdafiə sazişini müzakirə ediblər.

10 Avqust 2026 21:12

BAKI,VOA,Yusif Şərifzadə

İranın xarici işlər naziri Abbas Əraqçi Almaniyanın xarici işlər naziri İohann Vadeful ilə telefon danışığı keçirib.

VOA xəbər verir ki, Abbas Əraqçinin açıqlamasına görə, tərəflər regional və beynəlxalq məsələləri müzakirə ediblər.

Telefon danışığı Almaniyanın ABŞ Prezidenti Donald Trampın Qəzza ilə bağlı 15 maddəlik sülh planına münasibət bildirməsindən sonra baş tutub.

Almaniya Xarici İşlər Nazirliyinin sözçüsü həmin planın HƏMAS-ın tərksilah edilməsi istiqamətində imkan yarada biləcəyini bildirib.

İsrailin Baş naziri Benyamin Netanyahu isə bazar günü planı rəsmi şəkildə rədd edib.

Əraqçi, həmçinin Pakistanın xarici işlər naziri İshaq Dar ilə də telefon danışığı aparıb.

İran rəsmisi Pakistanlı həmkarı ilə İran və Oman arasında aparılan danışıqların vəziyyətini, eləcə də Pakistan-Səudiyyə Ərəbistanı-Türkiyə müdafiə sazişi ilə bağlı məsələləri müzakirə edib.