Bakı, AzerVoice
Türkiyə Prezidenti Rəcəb Tayyib Ərdoğan, Ankarada rəsmi səfərdə olan Almaniya kansleri Fridrix Merslə keçirilən birgə mətbuat konfransında Qəzza məsələsini müzakirə edib.
AzerVoice xəbər verir ki, kanslerin “İsrail özünü müdafiə etdi” ifadəsinə açıq şəkildə etiraz edən Ərdoğan:
“60 mindən çox uşaq, qadın və yaşlı həyatını itirib. HƏMAS-ın bombası, nüvə silahı yoxdur. Amma bütün bu silahlar İsrailin əlində var və istifadə edir. Qəzzə gecə-gündüz bombardman olunur. Bunları Almaniya görmürmü?”-deyib.
Prezident əlavə edib ki, Qəzzəyə humanitar yardımın qarşısı məqsədli şəkildə alınır.
“Qızılay yardımlarını çatdıra bilmir, Qızıl Xaç təhdid altındadır. Qəzzə aclığa məcbur edilir. Bu, insanlıq cinayətidir.”
Ərdoğan tərəflər arasında əməkdaşlığın davam etdiyini, həm Qəzzədə, həm də digər regional münaqişələrdə sülhün bərpası üçün Türkiyənin hazır olduğunu deyib.
“Türkiyə və Almaniya bu məsələni həll edə biləcək iki mühüm dövlətdir. Birlikdə hərəkət etməliyik.”-deyə Ərdoğan bildirib.
