BAKI, AzerVoice
“İstanbulda danışıqların real nəticə verə biləcəyini sübut etdik.”
AzerVoice xəbər verir ki, Türkiyənin xarici işlər naziri Hakan Fidan Rusiya-Ukrayna sülh danışıqları ilə bağlı İstanbulda aparılan diplomatik təşəbbüslərin effektivliyini vurğulayıb.
Ukraynada səfərdə olan nazir Fidan yerli həmkarı Andriy Sibiha ilə birgə keçirdiyi mətbuat konfransında bildirib ki, müharibənin bu il ərzində dayandırılması və daimi sülhə nail olunması üçün real imkanlar mövcuddur.
"Biz İstanbulda sübut etdik ki, danışıqlar real nəticələr verə bilər. Bu sürətin davam etməsini istəyirik", – deyə Fidan qeyd edib.
Nazir əlavə edib ki, İstanbulda keçirilən danışıqların Türkiyə Prezidenti Rəcəb Tayyib Ərdoğanın ev sahibliyi ilə Tramp, Putin və Zelenski arasında görüşlə tamamlanması ehtimalı dəyərləndirilir.
